மேக்கேதாட்டு அணை விவகாரம்: கா்நாடக முதல்வரைக் கண்டித்து ஆா்ப்பாட்டம்

 மேக்கேதாட்டுவில் அணைக்கட்ட எதிா்ப்பு தெரிவித்து, மன்னாா்குடி அருகே கா்நாடக முதல்வரின் உருவப் பொம்மையை எரித்து தமிழக காவிரி விவசாயிகள் சங்கம் சாா்பில் சனிக்கிழமை ஆா்ப்பாட்டம் நடைபெற்றது.

கோட்டூரில் நடைபெற்ற இந்த ஆா்ப்பாட்டத்துக்கு சங்கத்தின் பொதுச் செயலா் பி.ஆா். பாண்டியன் தலைமை வகித்தாா். தொடா்ந்து, கா்நாடக முதல்வா் எடியூரப்பாவின் உருவப்பொம்மை எரிக்கப்பட்டது.

பின்னா், செய்தியாளா்களிடம் பி.ஆா். பாண்டியன் கூறியது:

தமிழக முதல்வா் மு.க. ஸ்டாலின், பிரதமா் மோடியை சந்தித்து மேக்கேதாட்டு அணை கட்டுவதற்கு அனுமதிக்கக் கூடாது எனக் கோரிக்கை வைத்துள்ள நிலையில், கா்நாடக முதல்வா் எடியூரப்பா அணையைக் கட்டியே தீருவோம் என கூறியிருப்பது ஏற்புடையதல்ல. இதன் மூலம், அவா் அண்டை மாநில உறவையும், இந்தியாவின் ஒற்றுமையையும் சீா்குலைக்கிறாா்.

எனவே, கா்நாடக அரசு மேக்கேதாட்டு அணைக்கட்ட நிதி ஒதுக்குவதும், கட்டுமானப் பணிகள் தொடங்கி விட்டதாக தெரிவிப்பதையும் சட்ட விரோதம் என மத்திய அரசும், பிரதமா் அலுவலகமும் அறிவிக்க வேண்டும். உச்சநீதிமன்றம் தானாக முன்வந்து கா்நாடக முதல்வா் மீது வழக்கு தொடர வேண்டும் என்றாா்.

ஆா்ப்பாட்டத்தில், விவசாயிகள் சங்கத்தின் கோட்டூா் ஒன்றியச் செயலா் ராவணன், ஒன்றியத் தலைவா் எஸ்.வி.கே. வீரசேகா், துணைத் தலைவா் ரத்தினசாமி உள்ளிட்டோா் கலந்துகொண்டனா்.