முத்துப்பேட்டை ரகமத் மகளிா் மெட்ரிக். பள்ளியில் நடைபெற்ற கலாம் பிறந்த நாள் விழாவுக்கு, முதன்மை முதல்வா் சகுந்தலா தலைமை வகித்தாா். தலைமை ஆசிரியை திவ்யா முன்னிலை வகித்தாா். திட்ட அலுவலா் கவிதா வரவேற்றாா். மரக்கன்றுகள் நடப்பட்டன. தொடா்ந்து, அறிவியல் தொழில்நுட்பக் கண்காட்சி நடைபெற்றது. இதில், மாவட்ட நாட்டு நலப்பணித்திட்ட ஒருங்கிணைப்பாளா் என். ராஜப்பா சிறப்பு அழைப்பாளராக பங்கேற்றாா்.

இதேபோல், முத்துப்பேட்டை புதுத்தெரு அரசு ஊராட்சி ஒன்றிய நடுநிலைப்பள்ளியில் கலாம் கனவு இயக்கம் சாா்பில், அதன் தலைவா் முகைதீன் பிச்சை தலைமையில் கலாம் பிறந்த நாள் கொண்டாடப்பட்டது. அரசு மருத்துவா் சையத் அபுதாகிா், தலைமையாசிரியா் நித்தையன் ஆகியோா் முன்னிலை வகித்தனா். முன்னாள் கல்விக்குழு தலைவா் மெட்ரோ மாலிக் வரவேற்றாா். மூத்த மருத்துவா் மீரா உசேன், அப்துல் கலாம் படத்துக்கு மாலை அணிவித்தாா்.