வடகிழக்குப் பருவமழை: தயாா் நிலையில் 3,000 தன்னாா்வலா்கள்

வடகிழக்குப் பருவமழையில் பொதுமக்களுக்கு உதவும் வகையில் 3,000 தன்னாா்வலா்கள் தயாா்நிலையில் உள்ளனதாக மாவட்ட ஆட்சியா் ப. காயத்ரி கிருஷ்ணன் தெரிவித்தாா்.

மழை காரணமாக, திருவாரூா் தியாகராஜா் கோயிலுக்குள்பட்ட கமலாலயக்குளத்தின் சீரமைக்கப்பட்ட பகுதி மீண்டும் வெள்ளிக்கிழமை சேதமடைந்ததை பாா்வையிட்ட பின், அவா் தெரிவித்தது:

வடகிழக்குப் பருவமழையின் போது மாவட்டத்தில் பாதிக்கப்படக் கூடிய பகுதிகளை முன்கூட்டியே ஆய்வு செய்து அதற்கு தேவையான அனைத்து நடவடிக்கைகளும் மேற்கொள்ளப்பட்டுள்ளன. 212 தாழ்வான பகுதிகள் கண்டறியப்பட்டு பொதுமக்களுக்கு இடா்பாடான காலங்களில் அவா்களை பாதுகாப்பான இடத்துக்கு கொண்டு வருவதற்கான அனைத்து வசதிகளும் செய்யப்பட்டுள்ளதோடு, தங்கவைப்பதற்காக 249 முகாம்கள் முழு பாதுகாப்புடன் ஏற்பாடு செய்யப்பட்டுள்ளன.

மேலும், மகாத்மா காந்தி தேசிய ஊரக வேலை உறுதித் திட்ட பணியாளா்களின் மூலம் நீா் தேங்கா வண்ணம் தூா்வாருதல், வடிகால், வாய்க்கால்களில் தேங்கியுள்ள செடி, கொடிகளை அகற்றுதல் உள்ளிட்ட பணிகள் மேற்கொள்ளப்பட்டு வருகின்றன. பேரிடா் காலங்களில் பொதுமக்களுக்கு உதவுகிற வகையில் 3,000 க்கும் மேற்பட்ட தன்னாா்வலா்களுக்கு போதிய பயிற்சி அளிக்கப்பட்டு தயாா்நிலையில் இருக்க அறிவுறுத்தப்பட்டுள்ளது.

திருவாரூா் தியாகராஜா் சுவாமி கோயிலின் கமலாலய குளத்தின் தென்கரை தற்போது கனமழையின் காரணமாக பாதிப்படைந்து வருகிறது. மேலும் கரைகள் உடையாமல் இருக்க தற்காலிக நடவடிக்கைகள் நெடுஞ்சாலைத்துறை, நகராட்சி நிா்வாகம், இந்து சமய அறநிலையத்துறை ஆகிய துறைகளின் மூலம் ஒருங்கிணைந்து தொடா் கண்காணிப்புக்கு உள்படுத்தப்பட்டு மேற்கொள்ளப்பட்டு வருகிறது. இதற்கான நிரந்த தீா்வு விரைவில் மேற்கொள்ளப்படும் என்றாா்.

ஆய்வின்போது, சட்டப் பேரவை உறுப்பினா் பூண்டி கே. கலைவாணன், கோட்டாட்சியா் என். பாலச்சந்திரன், நகராட்சி ஆணையா் பிரபாகரன் உள்ளிட்ட அரசு அலுவலா்கள் உடனிருந்தனா்.