நகா்ப்புற உள்ளாட்சித் தோ்தல் வட்டார அளவில் 11 பாா்வையாளா்கள் நியமனம்

திருவாரூா் மாவட்டத்தில் நகா்ப்புற உள்ளாட்சித் தோ்தலுக்கு வட்டார அளவில் 11 பாா்வையாளா்கள் நியமனம் செய்யப்பட்டுள்ளதாக மாவட்ட ஆட்சியரும், மாவட்ட தோ்தல் அலுவலருமான ப. காயத்ரி கிருஷ்ணன் தெரிவித்தாா்.

திருவாரூா் மாவட்ட ஆட்சியரக கூட்டரங்கில் வியாழக்கிழமை நடைபெற்ற வட்டார பாா்வையாளா்களுக்கான ஆய்வுக் கூட்டத்துக்கு தலைமை வகித்து அவா் தெரிவித்தது:

திருவாரூா் மாவட்டத்தில் வரும் 19 ஆம் தேதி நகா்ப்புற உள்ளாட்சித் தோ்தல் நடைபெறவுள்ளது. இதில், நகராட்சியைப் பொறுத்தவரை திருவாரூா், மன்னாா்குடி, திருத்துறைப்பூண்டி, கூத்தாநல்லூா் ஆகிய நகராட்சிகளில் 111 வாா்டுகளுக்கும், பேரளம், நன்னிலம், குடவாசல், கொரடாச்சேரி, வலங்கைமான், நீடாமங்கலம், முத்துப்பேட்டை ஆகிய பேரூராட்சிகளில் 105 வாா்டுகளுக்கும் என மொத்தம் 216 வாா்டு உறுப்பினா் பதவிக்கு தோ்தல் நடைபெறவுள்ளது. வாக்குப் பதிவுக்கென 282 வாக்குச்சாவடிகள் அமைக்கப்பட்டுள்ளன.

நகா்ப்புற உள்ளாட்சித் தோ்தலுக்காக 11 வட்டார அளவிலான பாா்வையாளா்கள் நியமிக்கப்பட்டுள்ளனா். இவா்கள், அவா்களுக்கு ஒதுக்கீடு செய்யப்பட்டுள்ள வட்டாரத்தின் வாக்குச்சாவடிகளில் குடிநீா், மின்சார வசதி, கழிவறை, சாய்தள வசதி ஆகியவை முறையாக உள்ளனவா என்பதை உறுதிசெய்ய வேண்டும்.

வாக்குப்பதிவு தினத்தன்று வாக்குச்சாவடிகளுக்கு தேவையான பொருட்கள் தொடா்பான பணிகளையும், கரோனா தடுப்பு வழிகாட்டு நெறிமுறைகள் பின்பற்றப்படுகிா என்பதையும் கண்காணிக்க வேண்டும். தமிழகத் தோ்தல் ஆணையத்தின் தோ்தல் வழிகாட்டு நெறிமுறைகளை பின்பற்ற வேண்டும் என்றாா்.

கூட்டத்தில், மாவட்ட ஆட்சியரின் நோ்முக உதவியாளா் (தோ்தல்) கிருஷ்ணமூா்த்தி, மாவட்ட வழங்கல் அலுவலா் கீதா, கூட்டுறவு சங்கங்களின் துணைப் பதிவாளா்கள் ராமசுப்பு, காா்த்திகேயன் உள்ளிட்ட அரசு அலுவலா்கள் பங்கேற்றனா்.