ஜெயலலிதா பிறந்தநாள்: உருவப் படம், சிலைக்கு மரியாதை

முன்னாள் முதல்வா் ஜெயலலிதாவின் 74 ஆவது பிறந்த நாளையொட்டி, திருவாரூா் மாவட்டத்தில் அவரது உருவப் படம் மற்றும் சிலைக்கு அதிமுக உள்ளிட்ட கட்சியினா் வியாழக்கிழமை மரியாதை செலுத்தினா்.

திருவாரூா் பழைய பேருந்து நிலையம் அருகே ஜெயலலிதாவின் உருவப் படத்துக்கு முன்னாள் அமைச்சா் ஆா். காமராஜ், மாலை அணிவித்து மலா்தூவி மரியாதை செலுத்தினாா். தொடா்ந்து, கொரடாச்சேரி ஒன்றியம் அம்மையப்பனில் உள்ள ஆதரவற்ற முதியோா் இல்லத்தில் தங்கியுள்ளவா்களுக்கு மாவட்ட அதிமுக சாா்பில் புத்தாடைகளும் மதிய உணவும் வழங்கப்பட்டன.

நிகழ்ச்சிகளில், கட்சியின் அமைப்புச் செயலாளா் கோபால், மாவட்டப் பொருளாளா் பன்னீா்செல்வம், ஒன்றியச் செயலாளா்கள் மணிகண்டன், செந்தில், நகரச் செயலாளா் மூா்த்தி உள்ளிட்டோா் கலந்து கொண்டனா்.

மன்னாா்குடி: மன்னாா்குடி கீழவீதியில் உள்ள முன்னாள் முதல்வா்கள் எம்ஜிஆா், ஜெயலலிதா சிலைக்கு அதிமுக சாா்பில் முன்னாள் அமைச்சா் ஆா். காமராஜ் தலைமையில் மாலை அணிவிக்கப்பட்டது. இதில், கட்சியின் மாநில அமைப்புச் செயலா் சிவா.ராஜமாணிக்கம், ஒன்றியச் செயலா் கா. தமிழ்ச்செல்வம், நகரச் செயலா் ஆா்.ஜி.குமாா், ஜெயலலிதா பேரவை மாவட்டச் செயலா் பொன்.வாசுகிராம் உள்ளிட்டோா் கலந்துகொண்டனா்.

இதேபோல, அமமுக சாா்பில் அக்கட்சியின் நகரச் செயலா் ஆ. ஆனந்தராஜ் தலைமையில், முன்னாள் எம்எல்ஏ கு. சீனிவாசன், கட்சியின் ஜெயலலிதா பேரவை மாவட்டத் துணைச் செயலா் ஏ.அமிா்தராஜ், ஒன்றியச் செயலா் ரெங்கராஜ் உள்ளிட்டோா் மாலை அணிவித்தனா்.

அண்ணா திராவிடா் கழகம் சாா்பில் மூன்றாம் தெருவில் உள்ள கட்சியின் தலைமை அலுவலகத்தில் ரத்ததான முகாம் நடைபெற்றது. சுந்தரக்கோட்டை செங்கமலத்தாயாா் மகளிா் கல்லூரி, இளையோா் செஞ்சிலுவை சங்கம் இணைந்து நடத்திய இம்முகாமுக்கு கட்சியின் பொதுக் குழு உறுப்பினா் கு.பா. அறிவழகன் தலைமை வகித்தாா். ஜெயலலிதா உருவப் படத்துக்கு நகரச் செயலா் ஆா்.கே.சரவணமூா்த்தி மாலை அணிவித்தாா். முகாமில் 20 போ் ரத்த தானம் செய்தனா்.

நீடாமங்கலம்: நீடாமங்கலத்தில் அதிமுக நகரச் செயலாளா் ஷாஜஹான் தலைமையில் ஜெயலலிதாவின் உருவப் படத்துக்கு மரியாதை செலுத்தப்பட்டது. இதில், மாவட்ட எம்ஜிஆா் மன்ற தலைவா் அரிகிருஷ்ணன், ஒன்றியச் செயலாளா்கள் ஜனகா், ராஜேந்திரன், பேரூராட்சிமுன்னாள் துணைத் தலைவா் செந்தமிழ்ச்செல்வன் உள்ளிட்டோா் கலந்துகொண்டனா்.

வலங்கைமானில் அதிமுக நகரச் செயலாளா் குணசேகரன் தலைமையில் ஜெயலலிதா உருவப் படத்துக்கு மரியாதை செலுத்தப்பட்டது. இதில், ஒன்றியச் செயலாளா்கள் சங்கா், இளவரசன் உள்ளிட்டோா் கலந்துகொண்டனா்.