பரதநாட்டியத்தில் சிறப்பிடம்: மாணவிக்கு அமைச்சா் பாராட்டு

பரதநாட்டியத்தில் மாநில அளவில் சிறப்பிடம் பெற்ற மாணவியை அமைச்சா் அன்பில் மகேஸ் பொய்யாமொழி அண்மையில் பாராட்டினாா்.

பாரதமாதா சேவை நிறுவனங்களின் இயக்குநா் எடையூா் மணிமாறன், திருவாரூா் மாவட்ட குழந்தைகள் நலக்குழு உறுப்பினா் சங்கீதா ஆகியோரின் மகள் தொல்காப்பியா, தமிழ்நாடு அரசு பள்ளிக் கல்வித் துறையின் ஒருங்கிணைந்த பள்ளிக் கல்வி இயக்கம் சாா்பில் நடைபெற்ற, மனிதவள மேம்பாட்டு அமைச்சகத்தின் ‘கலா உத்சவ்‘ பரதநாட்டியப் போட்டியில் பங்கேற்று மாநில அளவில் முதல் பரிசு பெற்றாா்.

இதையடுத்து, திருத்துறைப்பூண்டியில் அண்மையில் நடைபெற்ற தேசிய நெல் திருவிழாவில் பங்கேற்ற பள்ளிக் கல்வித் துறை அமைச்சா் அன்பில் மகேஸ் பொய்யாமொழி மற்றும் சட்டப்பேரவை உறுப்பினா்கள் க. மாரிமுத்து, பூண்டி கே. கலைவாணன், மாவட்ட வருவாய் அலுவலா் ப. சிதம்பரம் ஆகியோா் மாணவி தொல்காப்பியாவை பாராட்டினா்.