மன்னாா்குடி தொகுதியில் திமுக வேட்பாளா் வாக்குச் சேகரிப்பு

மன்னாா்குடி சட்டப் பேரவை தொகுதி திமுக வேட்பாளா் டி.ஆா்.பி. ராஜா கூட்டணி கட்சியினருடன் வாக்குச் சேகரிப்பு பணிகளை புதன்கிழமை தொடங்கினாா்.

மதச்சாா்பற்ற முற்போக்கு கூட்டணி வேட்பாளராக மன்னாா்குடி தொகுதியில் போட்டியிடுகிறாா் டி.ஆா்.பி. ராஜா. இவா், புதன்கிழமை மேலவாசலில் வாக்குச் சேகரித்து பிரசாரத்தை தொடங்கி பேசியது:

2021-இல் வெற்றி பெற்று திமுகவின் திராவிட மாடல் ஆட்சியில் தொகுதிக்கு எராளமான திட்டங்களை கொண்டு வந்து நடைமுறைப்படுத்தி செயல்படுத்தப்பட்டு வருகிறது. மகளிா் விடியல் பயணம், மகளிா் உரிமைத் தொகை, புதுமைப் பெண் திட்டம் என பல்வேறு நலத்திட்டங்களால் பயன்பெற்ற மகளிா் அதற்கு நன்றி காட்டும் வகையில் மீண்டும் முதல்வா் மு.க. ஸ்டாலின் தலைமையில் திராவிட மாடல் ஆட்சி அமைய திமுக கூட்டணிக்கு வாக்களிக்க தயாராக உள்ளனா். சாதனைகளும், மக்கள் நலத்திட்டங்ளும் தொடர எனக்கு உதயசூரியன் சின்னத்தில் வாக்களித்து வெற்றி பெற செய்ய வேண்டும் என்றாா்.

நிகழ்ச்சிக்கு மன்னாா்குடி திமுக மத்திய ஒன்றியச் செயலா் சித்தேரி சிவா தலைமை வகித்தாா்.

தஞ்சை எம்பி ச. முரசொலி, வாக்குச் சேகரிப்பு பிரசாரத்தை தொடங்கி வைத்தாா்.

கூட்டணி கட்சியினருடன்,வேட்பாளா் திறந்த வாகனத்தில், குமரபுரம், கள்ளா் எம்பேத்தி, இடையா் எம்பேத்தி, காரிக்கோட்டை, நத்தம், நெடுவாக்கோட்டை, மேலநாகை ,கீழநாகை ஆகிய பகுதிகளில் வாக்கு சேகரிப்பில் ஈடுபட்டாா்.

முன்னாள் எம்எல்ஏ பி. ராஜமாணிக்கம், மாவட்ட ஊராட்சி முன்னாள் தலைவா் ஜி.பாலு,மேற்கு ஒன்றியச் செயல் முத்துவேல், தேமுதிக மாவட்டச் செயலா் வி. பாலசுப்பிரமணியன், விசிக மாவட்டச் செயலா் ஆா்.ரமணி உள்ளிட்ட கூட்டணி கட்சியின் கலந்துகொண்டனா்.