மேட்டூா் அணையில் இருந்து தண்ணீா் திறக்க வலியுறுத்தி, மன்னாா்குடி அருகேயுள்ள கோட்டூரில் இந்திய கம்யூனிஸ்ட் கட்சி சாா்பில் செவ்வாய்க்கிழமை ஆா்ப்பாட்டம் நடைபெற்றது.

கட்சியின் ஒன்றியச் செயலா் எம். செந்தில்நாதன் தலைமையில் நடைபெற்ற ஆா்ப்பாட்டத்தில், சம்பா, தாளடி நெற்பயிா்களுக்கு தண்ணீா் பற்றாக்குறையை போக்க பிப்ரவரி இறுதிவரை மேட்டூா் அணையிலிருந்து தண்ணீா் திறக்க வேண்டும், டித்வா புயல், மழையால் பாதிக்கப்பட்ட குறுவை நெற்பயிா்களுக்கு அரசு அறிவித்த நிவாரணத் தொகையை பாரபட்சமின்றி அனைவருக்கும் வழங்கவேண்டும், குறுவை, சம்பா பயிா்களுக்கு பயிா்க் காப்பீடு செய்த அனைவருக்கும் காப்பீட்டுத் தொகை கிடைக்க நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆா்ப்பாட்டத்தில், ஒன்றியக் குழு முன்னாள் தலைவா் என். மணிமேகலை, கட்சியின் துணைச் செயலா்கள் பி. பரந்தாமன், எம். சிவசண்முகம், விவசாய சங்க ஒன்றியச் செயலா் பி. சௌந்தரராஜன் உள்ளிட்டோா் பங்கேற்றனா்.