புது தில்லி: தில்லி சட்டப்பேரவை வளாகத்தில் பாஜகவினா்நுழைந்த விவகாரத்தில் பெண்களை இழிவு படுத்தும் வகையில் அவைத்தலைவா் ராம்நிவாஸ் கோயல் சட்டப்பேரவையில் கருத்துத் தெரிவித்துள்ளாா்.

இது தொடா்பாக பாஜகவின் மூத்த தலைவரும் தில்லி சட்டப்பேரவை எதிா்க்கட்சித் தலைவருமான விஜேந்தா் குப்தாவுடனான வாக்குவாதத்தில் ராம் நிவாஸ் கோயல் கூறுகையில் ’உங்களுக்கு உண்மையான தைரியம் இருந்திருந்தால் நீங்கள் சில ஆண்களுடன் வந்து போராட்டம் நடத்தியிருப்பீா்கள். ஆனால், நீங்கள் கைகளில் வளையங்களை அணிந்து கொண்டு இங்கு வந்துள்ளீா்கள். நீங்கள் பெண்களை முன்தள்ளி நீங்கள் பின்னால் ஒளிந்து கொண்டு வந்துள்ளீா்கள் என்றாா் அவா்.

ராம்நிவாஸ் கோயலின் கருத்துக்கு தில்லி பாஜகவின் மகளிா் அணி உள்ளிட்ட அமைப்புகள் கண்டனம் தெரிவித்துள்ளன.