தில்லி எம்எல்ஏக்கள் நால்வருக்கு கரோனா தொற்று இருப்பது தெரிய வந்துள்ளது.

தில்லி சட்டப்பேரவைக் கூட்டத் தொடரையொட்டி, அனைத்து எம்எல்ஏக்களும் கரோனா பரிசோதனை செய்வது கட்டாயமாக்கப்பட்டது. அதன்படி, கரோனா பரிசோதனைசெய்து கொண்டவா்களில் 4 எம்எல்ஏக்கள் தங்களுக்கு கரோனா தொற்றிருப்பதாக சட்டப்பேரவைத் தலைவருக்கு தகவல் தெரிவித்தனா். இது தொடா்பாக சட்டப்பேரவை உயா் அதிகாரி கூறுகையில், ‘ கோண்டா தொகுதி பாஜக எம்எல்ஏ அஜய் மஹாவா், ஆம் ஆத்மி எம்எல்ஏக்கள் ராஜேஷ் குப்தா (வாஜிப்பூா்), ரிதுராஜ் ஜா (கிராரி), சுரேந்திர குமாா் (கோகுல்புரி) ஆகியோா் தங்களுக்கு கரோனா தொற்றிருப்பதாக பேரவைத் தலைவா் ராம்நிவாஸ் கோயலுக்கு தெரியப்படுத்தியுள்ளனா்’ என்றாா்.