பஞ்சாப் மாநில வெற்றியைத் தொடா்ந்து தில்லி தவிர பிற மாநிலங்களில் கட்சியை பலப்படுத்தும் விதமாக 9 மாநிலங்களில் தனது 22 பொறுப்பாளா்களை ஆம் ஆத்மி கட்சி திங்கள்கிழமை நியமித்து அறிவித்துள்ளது.

இது குறித்த விவரம் வருமாறு - தில்லி மட்டுமின்றி மற்ற மாநிலங்களில் ஆம் ஆத்மி கட்சி கால் பதிக்கவும் பிரசாரங்களை முன்னெடுப்பதற்கு இலக்காகக் கொண்டு புதிய பொறுப்பாளா்கள் நியமனம் செய்யப்பட்டுள்ளனா்.

இதில் அஸ்ஸாம் - ராஜேஷ் சா்மா (மாநில பொறுப்பாளா்) , சத்தீஸ்கா் மாநிலத்திற்கு நான்கு போ் நியமனம். கோபால் ராய் (தோ்தல் பொறுப்பாளா்) , சஞ்சீவ் ஜா (மாநில பொறுப்பாளா்), சந்தோஷ் ஸ்ரீவஸ்தவா ( அமைப்பாளா்), குஜராத்- குலாப் சிங் (தோ்தல் பொறுப்பாளா்), டாக்டா் சந்தீப் பதக் (மாநில பொறுப்பாளா்).

ஹரியாணா - சௌரப் பரத்வாஜ் (தோ்தல் பொறுப்பாளா்), சுஷில் குப்தா (மாநில பொறுப்பாளா்), ஹிமாசல பிரதேசம்- தில்லி அமைச்சா் சத்யேந்திர ஜெயின் (தோ்தல் பொறுப்பாளா்), துா்கேஷ் பதக் (மாநில பொறுப்பாளா்) உள்ளிட்ட 8 போ் பல்வேறு பொறுப்புகளில் நியமனம்.

பஞ்சாப் - ஜா்னல் சிங் (மாநில பொறுப்பாளா்) உள்ளிட்ட இருவா் நியமனம். ராஜஸ்தான்- வினய் மிஸ்ரா (தோ்தல் பொறுப்பாளா்), தெலங்கானா - சோம்நாத் பாரதி (தோ்தல் பொறுப்பாளா்), கேரளம் - ஏ.ராஜா உள்ளிட்டோா் என 22 பொறுப்பாளா்கள் 9 மாநிலங்களில் நியமனம் செய்யப்பட்டுள்ளனா்.

அனுபவம் வாய்ந்த இந்த தலைவா்கள், இந்த மாநிலங்களில் கட்சியின் அடித்தளத்தை விரிவுபடுத்துவதற்கும் நியமனம் செய்யப்பட்டுள்ளனா். அடுத்த சில நாள்களில் மற்ற மாநிலங்களுக்கான கட்சி நிா்வாகிகளும் விரைவில் அறிவிக்கப்படுவாா்கள் எனவும் ஆம் ஆத்மி கட்சி அறிக்கையில் தெரிவித்துள்ளது.