புது தில்லி: தில்லி 9 -ஆவது குழந்தைகள் நலக் குழுவின் (சி.டபிள்யூ.சி) தலைவரின் தவறான நடத்தைக்காக தில்லி முதல்வா் அரவிந்த் கேஜரிவால் அவரைப் பதவி நீக்கம் செய்வதற்கான முன்மொழிவுக்கு ஒப்புதல் அளித்துள்ளாா்.

இந்த முன்மொழிவை தில்லி மகளிா் மற்றும் குழந்தைகள் மேம்பாட்டுத் துறை அமைச்சா் அதிஷி, முதல்வருக்கு சமா்ப்பித்திருந்த நிலையில் இதற்கான நடவடிக்கையை முதல்வா் கேஜரிவால் எடுத்துள்ளாா். தில்லியில் மொத்தம் பகுதி வாரியாக 10 குழந்தைகள் நலக் குழுகள் பிரிக்கப்பட்டு இந்தக் குழு ஒரு தலைவா் மற்றும் 4 உறுப்பினா்களுடன் செயல்படுகிறது. சிறாா்களுக்கான பாதுகாப்பு, மறுவாழ்வு, அடிப்படை வசதிகள், சிறாா் நீதிமன்ற வழக்குகளின் தீா்வு உள்ளிட்டவற்றை இந்தக் குழு மேற்கொள்கிறது. கிட்டதட்ட மாவட்ட வாரியாக அமைந்துள்ள இந்தக் குழுக்கள் உள்ளன. தில்லி 9- ஆவது பகுதி குழந்தைகள் நலக் குழுத் தலைவராக இருந்த வருண் பதக் மீது தில்லி மகளிா் மற்றும் குழந்தைகள் மேம்பாட்டுத் துறை அமைச்சா் அதிஷிக்கு வந்த புகாா்களைத் தொடா்ந்து, இந்த நடவடிக்கையை தில்லி அரசு மேற்கொண்டுள்ளது.

இது குறித்து தில்லி மகளிா் மற்றும் குழந்தைகள் மேம்பாட்டுத் துறை அமைச்சா் அதிஷி குறிப்பிடுகையில், 9 -ஆவது பகுதி குழந்தைகள் நலக் குழுத் தலைவருக்கு எதிராக பல புகாா்கள் வந்தன. குழந்தைகள் சம்பந்தப்பட்ட முக்கியமான விவகாரங்களில் முடிவெடுப்பதில் தாமதம், ஊழியா்கள் மற்றும் குழு உறுப்பினா்களிடம் முறையற்ற நடத்தை, அதிகாரங்களை தவறாகப் பயன்படுத்துதல், குழு உறுப்பினா்களின் அனுமதியின்றி உத்தரவுகளைப் பிறப்பித்தல் ஆகியவை இந்தப் புகாா்களில் அடங்கும். இதன்பேரில் விசாரணைக்கு உத்தரவிடப்பட்டது. விசாரணை அறிக்கையின் அடிப்படையில், 9 -ஆவது பகுதி சி.டபிள்யூ.சி. தலைவா் வருண் பதக்கை பணிநீக்கம் செய்ய அரசு முடிவு செய்து முதல்வருக்கு பரிந்துரைக்கப்பட்டது.

குழந்தைகள் நலன்களில் சமரசம் செய்ய முடியாது. மேலும் அதிகாரப் பதவிகளில் இருப்பவா்கள் தங்கள் கடமைகளை மிகுந்த நோ்மையுடனும் அா்ப்பணிப்புடனும் நிலைநிறுத்துவதை தில்லி அரசு தொடா்ந்து உறுதி செய்யும். எந்தவிதமான அலட்சியம் அல்லது அதிகாரத்தை துஷ்பிரயோகம் செய்வது எக்காரணம் கொண்டும் பொறுத்துக் கொள்ளப்படாது எனக் குறிப்பிட்ட அமைச்சா் அதிஷி இதற்கான முன்மொழிவை முதல்வா் கேஜரிவாலுக்கு பரிந்துரைத்தாா்.

இந்த விவகாரம் குறித்து தில்லி முதல்வா் அரவிந்த் கேஜரிவால் வெளியிட்டுள்ள அறிக்கையில், ‘குழந்தைகள் விவகாரத்தில் அலட்சியம் காட்டுபவா்கள் மீது அரசு சிறிதளவு கூட அனுதாபம் கடைப்பிடிக்காது. குழந்தைகளின் பராமரிப்பு மற்றும் மேம்பாட்டில் தில்லி அரசு சமரசம் செய்து கொள்ளாது. இந்த விஷயங்களில் அலட்சியம் காட்டுபவா்கள் ‘மன்னிக்கப்பட மாட்டாா்கள். ஆம் ஆத்மி கட்சி அரசு, நிா்வாகத்தில் அலட்சியப் போக்கு விஷயத்தில் சகிப்புத் தன்மையற்ற கொள்கையை கடைப்பிடிக்கப்படுகிறது. குழந்தைகள் நலக் குழு, சிறாா்களுக்கான பாதுகாப்பு, அவா்கள் மீதான கவனம், மேம்பாடுகளைக் கையாளுகிறது. இதில் சி.டபிள்யூ.சி. தலைவரின் பங்கு முக்கியமானது. எனவே, குழந்தைகளின் தேவைகளைப் பூா்த்தி செய்வதில் தனிநபா்களின் எந்தவொரு மெத்தனம் அல்லது பொறுப்பற்ற நடத்தை கடுமையான விளைவுகளை ஏற்படுத்தும் என்பதால் இந்தப் பணி நீக்கத்தை உடனடியாக செய்ய அரசு முடிவு செய்துள்ளது’ என தெரிவித்துள்ளாா்.

இது குறித்து 9 -ஆவது பகுதி சி.டபிள்யூ.சி. தலைவா் வருண் பதக்கிடம் கேட்ட போது, ‘எனக்கு இதுவரை எந்த உத்தரவு வரவில்லை. உத்தரவு வந்தால்தான் என்னால் விளக்கம் அளிக்க முடியும்’ என பதிலளித்தாா்.