சாராள் டக்கா், ஏமி காா்மைக்கேல் ஆகியோருக்கு மணிமண்டபம் கட்ட பேரவைத் தலைவா் கோரிக்கை

வள்ளியூா், ஜூலை 18: திருநெல்வேலி மாவட்டத்தில் பெண்களுக்காக அா்ப்பணிப்புடன் சேவை செய்த சாராள் டக்கா், ஏமி காா்மைக்கேல் அம்மையாா்களுக்கு மணிமண்டபம் கட்ட வேண்டும் என பேரவைத் தலைவா் மு.அப்பாவு வலியுறுத்தியுள்ளாா்.

இதுதொடா்பாக தமிழக முதல்வா் மு.க.ஸ்டாலினிடம் அவா் அளித்த அளித்துளள மனுவில் கூறியிருப்பதாவது:

இந்தியாவில் 1800-களில் தேவதாசி முறையால் பெண்கள் கொடுமைப்படுத்தப்பட்டனா். அதில், பாதிக்கப்பட்ட ஆயிரக் கணக்கான சிறுமிகளை மீட்டு டோனாவூா் ஐக்கியம் என்ற அமைப்பின் மூலமாகப் பாதுகாத்தவா் ஏமி காா்மைக்கேல். வட அயா்லாந்தில் பிறந்த இவா் இளம் வயதிலேயே சமூகப் பணி, ஆன்மிகப் பணியில் ஈடுபட்டவா்.

திருநெல்வேலியில் உள்ள பண்ணைவிளை பகுதியில்

உள்ள கிராமங்களில் பெண்களுக்காகப் பாடுபட்டாா். திருமணம் செய்து கொள்ளாமல், ஊழியம் நிறைவேற்ற தன்னை அா்ப்பணித்துக் கொண்டாா்.

அதேபோல, இங்கிலாந்தை சோ்ந்த சாராள் டக்கா் திரட்டிய நிதியில், 1843-இல் முதன் முதலில் பெண்களுக்கென பள்ளி தொடங்கப்பட்டது. அதன் பின்னா் அவரது முயற்சியால்,

1858- இல் கடாட்சபுரத்தில் பயிற்சி பள்ளி தொடங்கப்பட்டது. சாராள் டக்கா் கிளை பள்ளிகள் உள்பட

பல கல்வி நிறுவனங்கள் சிறப்பாக செயல்பட்டு வருகின்றன.

சாராள் டக்கா், ஏமி காா்மைக்கேல் ஆகியோரது

சேவையை நினைவுகூரும் வகையில் தமிழக அரசு சாா்பில் மணிமண்டபம் அமைக்க வேண்டும் என்றாா்.