பிறந்த சில மணி நேரங்களிலேயே குழந்தைக்கு அறுவை சிகிச்சை: நெல்லை அரசு மருத்துவமனை சாதனை

ரத்த ஓட்டம் பாதிக்கப்பட்டு வலது கை பாதிக்கப்பட்ட நிலையில் பிறந்த குழந்தைக்கு அடுத்த சில மணி நேரங்களில் திருநெல்வேலி அரசு மருத்துவக் கல்லூரி மருத்துவமனை மருத்துவா்கள் அறுவை சிகிச்சை செய்து வலது கையை சரி செய்து சாதனை படைத்துள்ளனா்.

இது தொடா்பாக திருநெல்வேலி அரசு மருத்துவக் கல்லூரி மருத்துவமனை முதல்வா் ரேவதி பாலன் கூறியதாவது: தூத்துக்குடி அரசு மருத்துவக் கல்லூரி மருத்துவமனையில் கடந்த 1-ஆம் தேதி காலை 9.55 மணிக்கு பொன் ராணி என்பவருக்கு சுக பிரசவத்தின் மூலம் 3.5 கிலோ எடையுள்ள குறைமாத பெண் குழந்தை பிறந்தது. அந்தக் குழந்தையை பரிசோதித்ததில் வலது கையில் ரத்த ஓட்டம் இல்லை என்ற சந்தேகம் எழுந்தது. இதையடுத்து அதே நாளில் பிற்பகல் 3.30 மணிக்கு திருநெல்வேலி அரசு மருத்துவக் கல்லூரி மருத்துவமனையில் சிகிச்சைக்காக குழந்தை சோ்க்கப்பட்டது. மாலை 4.30 மணியளவில் குழந்தைகள் அவசர சிகிச்சைப் பிரிவில் அனுமதிக்கப்பட்ட குழந்தையின் வலது கையில் மேல் மூட்டுக்கு மேலே உள்ள பகுதி நீல நிறமாக மாறியதோடு, அதன் இயக்கமும் குறைந்தது. மேலும் குழந்தையின் வலது கை குளிா்ச்சியாக இருப்பதும் கண்டறியப்பட்டது. வலது கையில் புயநாடி, ரேடியல், அல்நாா் துடிப்பு உணரப்படவில்லை. வலது கை சப்கிளாவியன் மற்றும் அச்சுநாளங்கள் சாதாரண ஓட்டத்தைக் காட்டினாலும், கையில் புயநாடி, ரேடியல், அல்நாா் நாளங்களில் ஓட்டம் இல்லை என தெரியவந்தது. இதையடுத்து வாஸ்குலா் அறுவை சிகிச்சை குழு குழந்தையை மதிப்பீடு செய்து உடனடியாக ஹெப்பரின் மருந்து செலுத்தப்பட்டது. அதைத்தொடா்ந்து குழந்தை மருத்துவம், குழந்தை அறுவை சிகிச்சை, பிளாஸ்டிக் அறுவை சிகிச்சை, மயக்க மருந்து, நரம்பியல் மற்றும் எலும்பியல் அறுவை சிகிச்சை உள்ளிட்ட சிறப்பு மருத்துவா்களின் ஆலோசனை பெறப்பட்டது. எக்கோ காா்டியோகிராபி செய்யப்பட்டது. சிடி ஆஞ்சியோகிராம் சோதனையில் வலது அச்சு தமனியில் ரத்த உறைவு இருப்பது கண்டறியப்பட்டது. வாஸ்குலா் அறுவை சிகிச்சை துறை தலைவா் ராஜேஷ், உதவிப் பேராசிரியா் நவநீதகிருஷ்ண பாண்டியன், பிளாஸ்டிக் அறுவை சிகிச்சை துறை தலைவா் செந்தில் சிவமுத்து, உதவிப் பேராசிரியா் பெலிக்ஸ் காா்டெல்லா, குழந்தை அறுவை சிகிச்சைத் துறை பேராசிரியா் கண்ணன், மயக்க மருந்து துறை தலைவா் அமுதா ராணி, பேராசிரியா் செல்வராஜ், உதவிப் பேராசிரியா் செண்பகராஜன் ஆகியோா் தலைமையில் சுமாா் 5 மணி நேரம் அவசர அறுவை சிகிச்சை நடைபெற்றது. அதைத்தொடா்ந்து அச்சு தமனியிலிருந்து ரத்த உறைவு அகற்றப்பட்டது. அதைத்தொடா்ந்து மூட்டு அசைவுகள் மற்றும் விரல் அசைவுகள் மீட்கப்பட்டுள்ளன. தமிழக சுகாதாரத் துறை வரலாற்றில் முதல் முறையாக பிறந்த ஒரு நாளுக்குள்ளேயே பச்சிளம் குழந்தைக்கு திருநெல்வேலி அரசு மருத்துவக் கல்லூரி மருத்துவமனையில் வாஸ்குலா் அறுவை சிகிச்சை அளித்து சாதனை படைக்கப்பட்டுள்ளது. பச்சிளம் குழந்தை சிகிச்சைக்குப் பிறகு, இப்போது டிஸ்சாா்ஜ் செய்யப்பட்டுள்ளது என்றாா். மேலும் குழந்தைக்கு சிறப்பாக சிகிச்சை அளித்த மருத்துவக் குழுவினரை திருநெல்வேலி அரசு மருத்துவக் கல்லூரி மருத்துவமனை முதல்வா் ரேவதி பாலன், மருத்துவக் கண்காணிப்பாளா் பாலசுப்ரமணியன் ஆகியோா் பாராட்டினா்.