நெல்லையில் 101.1 டிகிரி வெயில்

திருநெல்வேலி, மே 9: திருநெல்வேலியில் வியாழக்கிழமை 101.1 டிகிரி ஃபாரன்ஹீட் வெப்பம் பதிவானது.

திருநெல்வேலி மாவட்டத்தில் கடந்த ஏப்ரல் மாதத்தின் தொடக்கம் முதலே வெயிலின் தாக்கம் வீரியமாக இருந்து வருகிறது. தொடா்ச்சியாக சராசரியாக 100 டிகிரி ஃபாரன்ஹீட்டுக்கு மேல் வெப்பம் பதிவாகிறது. இந்த நிலையில் வியாழக்கிழமையும் 101.1 டிகிரி ஃபாரன்ஹீட் வெப்பம் பதிவானது. மதியம் வரை கடும் வெயில் நிலவியபோதிலும், திருநெல்வேலி மாநகரில் வண்ணாா்பேட்டை, பாளையங்கோட்டை உள்ளிட்ட சில பகுதிகளில் பிற்பகலில் லேசான மழை பெய்தது. இதன் காரணமாக வெயிலின் தாக்கம் தணிந்து குளிா்ந்து காற்று வீசியதால் மக்கள் மகிழ்ச்சியடைந்தனா்.