சேனம்விளையில் மாவட்ட அளவிலான மின்னொளி வாலிபால் போட்டிகள் செவ்வாய்க்கிழமை (அக். 17)தொடங்குகிறது.
சேனம்விளை ஒய்.எம்.சி.ஏ. சார்பில் மாவட்ட அளவிலான மின்னொளி வாலிபால் போட்டிகள் அக். 17, 18 ஆகிய தேதிகளில் நடைபெறுகிறது. இந்த போட்டிகளில் முதல் பரிசாக ரூ.10 ஆயிரம் வழங்கப்படுகிறது. 2 ஆவது பரிசாக ரூ.7 ஆயிரமும், 3 ஆவது பரிசாக ரூ.5 ஆயிரமும், 4 ஆவது பரிசாக ரூ.3 ஆயிரமும் வழங்கப்படுகிறது. போட்டிகளை குளச்சல் உதவிக் காவல் கண்காணிப்பாளர் சாய்சரண் தேஜஸ்வி தொடங்கிவைக்கிறார். போட்டிக்கான ஏற்பாடுகளை சேனம்விளை ஒய்.எம்.சி.ஏ. தலைவர் அருள்பிரகாஷ், செயலர் ஜான்பீட்டர் மற்றும் உறுப்பினர்கள் செய்து வருகின்றனர்.