நாகா்கோவிலில் தடைசெய்யப்பட்ட புகையிலை பொருள்களை விற்பனை செய்ததாக 2 பேரை போலீஸாா் கைது செய்தனா்.

நாகா்கோவில் பகுதியில் தடை செய்யப்பட்ட புகையிலை பொருள்கள் விற்பனை செய்யப்படுவதாக, போலீஸாருக்கு ரகசிய தகவல் கிடைத்தது. இதையடுத்து, மாவட்டம் முழுவதும் தீவிர கண்காணிப்பு பணியில் ஈடுபட, மாவட்ட காவல் கண்காணிப்பாளா் ஸ்ரீநாத் உத்தரவிட்டாா். அதன்படி, பள்ளிகள், கல்லூரிகள், பேருந்து நிலையம் ஆகிய பகுதிகளில் உள்ள கடைகளில், தடை செய்யப்பட்ட புகையிலை பொருள்கள் விற்பனை செய்யப்படுகிா என்று போலீஸாா் , தொடா் சோதனை நடத்தி வந்தனா்.

நாகா்கோவில் ராமன்புதூா் சந்திப்பில் உள்ள கடைகளில், நேசமணிநகா் காவல் நிலைய உதவி ஆய்வாளா் முகமது சம்சீா் தலைமையிலான போலீஸாா் வெள்ளிக்கிழமை சோதனையில் ஈடுபட்டனா். அப்போது அங்குள்ள கடையில் தடை செய்யப்பட்ட புகையிலை பொருள்கள் விற்பனை செய்வது தெரிய வந்ததாம். இதையடுத்து அந்த கடையில் விற்பனைக்கு வைக்கப்பட்டிருந்த 80 புகையிலை பாக்கெட்களை பறிமுதல் செய்து, அதனை விற்பனை செய்த ரத்தின சுயம்புவை(50) போலீஸாா் கைது செய்தனா்.

இதேபோல் காா்மல் பள்ளி அருகே உள்ள கடையில் விற்பனைக்கு வைக்கப்பட்டிருந்த 80 புகையிலை பாக்கெட்களை பறிமுதல் செய்து, மத்தியாஸை(63) போலீஸாா் கைது செய்தனா்.