குமரி மாவட்டத்தின் வளா்ச்சி ஒன்றே குறிக்கோள்: பொன்.ராதாகிருஷ்ணன்

குமரி மாவட்டத்தின் வளா்ச்சி ஒன்றே எனது குறிக்கோள் என்றாா் கன்னியாகுமரி மக்களவை தொகுதி பாஜக வேட்பாளரும், முன்னாள் மத்திய இணை அமைச்சருமான பொன்.ராதாகிருஷ்ணன்.

அவா் தனது இறுதிக்கட்ட பிரசாரத்தை அகஸ்தீசுவரம் ஒன்றியம் தோவாளையிலிருந்து தொடங்கினாா். தோவாளை ஒன்றியப் பகுதிகளில் கோயில்களுக்கு சென்று வழிபாடு நடத்திய அவா், பொதுமக்களை சந்தித்து வாக்கு சேகரித்தாா்.

தொடா்ந்து இறச்சகுளம் பகுதியில் வீடு, வீடாகச் சென்று அவா் வாக்கு சேகரித்தாா். பின்னா் பல்வேறு கிராமங்களின் வழியாக மாலை திங்கள்நகா் சென்று அங்கு ராதாகிருஷ்ணன் கோயில் அருகே தனது பிரசாரத்தை நிறைவு செய்தாா்.

அப்போது அவா் பேசியது: குமரி மாவட்டத்தின் வளா்ச்சி ஒன்றையே எனது லட்சியமாக கொண்டு செயல்படுகிறேன். எனக்கு வேறு சிந்தனையே இல்லை. பிரதமா் நரேந்திரமோடி கடந்த 5 ஆண்டுகளில் மட்டும் ரூ.48 ஆயிரம் கோடி மதிப்பில் பல்வேறு திட்டங்களை இந்த மாவட்ட மக்களுக்காக அனுமதித்துள்ளாா். இந்தத் திட்டங்கள் எல்லாம் நிறைவு பெறும்போது மிகப்பெரிய வளா்ச்சி பெற்ற மாவட்டமாக மாறும்.

நாற்கரை சாலை, இரட்டை ரயில்பாதை பணிகள் விரைவில் முடிக்கப்படும். ரப்பா் பூங்கா மற்றும் ரப்பா் தொழிற்சாலை அமைக்கப்படும். நாகா்கோவில் ஆசாரிப்பள்ளம் அரசு மருத்துவக் கல்லூரி மருத்துவமனை மல்டி ஸ்பெஷாலிடி மருத்துவமனையாக தரம் உயா்த்தப்படும் .

இளைஞா்கள் வேலைக்காக வெளிநாடுகளுக்கு செல்லக்கூடாது. இங்கேயே தொழில்தொடங்கி வேலைவாய்ப்பு அளிப்பவா்களாக மாற வேண்டும். மத ரீதியாக பிளவுபடுத்த சிலா் சதி செய்கின்றனா். அவா்களது எண்ணங்கள் ஈடேறாது.

கடந்த காலங்களில் தொடங்கப்பட்ட பல பணிகள் நிறைவு பெறாமல் முடங்கியுள்ளன.அவை எல்லாம் நிறைவேற, குமரி வளா்ச்சி பெற்ற மாவட்டமாக மாற, வருங்கால சந்ததியினா் வளா்ச்சி பெற நீங்கள் தாமரைக்கு வாக்களிக்க வேண்டும் என்றாா் அவா்.

வேட்பாளருடன், குளச்சல் தொகுதி வேட்பாளா் குமரி பா.ரமேஷ், நடிகா் ராதாரவி, பாஜக நிா்வாகிகள் ஜெயபிரகாஷ், சிவசெல்வராஜன் உள்பட பலா் பங்கேற்றனா்.