புதுக்கடை அருகேயுள்ள காப்புக்காடு பகுதியில் பெட்டிக் கடையில் தடைசெய்யப்பட்ட புகையிலைப் பொருள்கள் பறிமுதல் செய்யப்பட்டன.

புதுக்கடை காவல் உதவி ஆய்வாளா் அனில்குமாா் தலைமையில் போலீஸாா் காப்புக்காட்டில் வியாழக்கிழமை ரோந்துப் பணியில் ஈடுபட்டபோது, அங்கு முளங்குழி பகுதியை சோ்ந்த ரவி(47) என்பவா் நடத்தி வரும் பெட்டிக்கடையில் தடைசெய்யப்பட்ட 216 பாக்கெட் புகையிலைப் பொருள்களை போலீஸாா் பறிமுதல் செய்தனா். இதுகுறித்து, ரவி மீது போலீஸாா் வழக்குப் பதிந்து விசாரித்து வருகின்றனா்.