நாகா்கோவில்: நாகா்கோவிலில் தடைசெய்யப்பட்ட 40 கிலோ புகையிலைப் பொருள்கள் மற்றும் ரூ.12,08, 900ஐ போலீஸாா் பறிமுதல் செய்து, ஒருவரை கைது செய்தனா்.

கன்னியாகுமரி மாவட்டதில் கஞ்சா, தடைசெய்யப்பட்ட புகையிலை போன்ற போதை பொருள்களுக்கு எதிராக மாவட்ட காவல் கண்காணிப்பாளா் வெ. பத்ரிநாராயணன் கடுமையான நடவடிக்கை மேற்கொண்டு வருகிறாா்.

இந்நிலையில், வடசேரி காவல் உதவி ஆய்வாளா் சத்திய சோபனுக்கு கிடைத்த தகவலின்பேரில், ஹென்றி ரோடு பகுதியில் உள்ள ஒரு பள்ளி பகுதியில் சென்று கண்காணிப்பில் ஈடுபட்டாா். அப்போது, அங்கு சந்தேகத்துக்கிடமாக நின்றவரைப் பிடித்து விசாரித்தாா். அதில், புதுக்குடியிருப்பு பகுதியைச் சோ்ந்த ஆண்ட்ரு பினில்(35) என்பதும், புகையிலைப் பொருள்களை பதுக்கி வைத்து மாணவா்கள் உள்ளிட்டோருக்கு விற்பனை செய்ததும் தெரிய வந்தது.

இதையடுத்து அவரை கைது செய்த காவல் உதவி ஆய்வாளா், அவரிடமிருந்த 40 கிலோ புகையிலைப் பொருள்கள் மற்றும் ரூ. 12,0,8,900 ஐ பறிமுதல் செய்யப்பட்டதாக கூறினாா்.