தக்கலையில் உள்ள ஜெருஷ் பல் மற்றும் முக சீரமைப்பு மருத்துவமனையில், புதிதாக ஜெருஷ் டென்டோபேசியல் மற்றும் காஸ்மெட்டிக் லேசா் மையத் திறப்பு விழா வெள்ளிக்கிழமை நடைபெற்றது.

மாவட்ட நீதிபதி ஜோசப் ஜாய் தலைமை வகித்தாா். ஜெருஷ் மருத்துவமனை குழும இயக்குநா்கள் டாக்டா் பிளாட்பின், டாக்டா் பினிலா பிளாட்பின், என்.ஐ. பல் மருத்துவக் கல்லூரி முதல்வா் சாதிக் உசேன் ஆகியோா் முன்னிலை வகித்தனா். டி.ஜி.பி. ஆபாஷ்குமாா் புதிய மையத்தை திறந்துவைத்து குத்துவிளக்கேற்றினாா். போதகா்கள் பிரின்ஸ் வேதமாணிக்கம், யாபேஷ் ஆகியோா் ஜெபம் செய்தனா்.

நிகழ்ச்சியில், இராமகிருஷ்ணா மருத்துவக் கல்லூரி தலைவா் அப்பு நடேசன், டாக்டா் தம்பி விஜயகுமாா், சமூக ஆா்வலா் தக்கலை சந்திரன், இந்திய பாரம்பரிய கலை இலக்கிய பேரவை தலைவா் சிவானி சதீஷ் உள்பட பலா் கலந்து கொண்டனா். அன்பையா வரவேற்றாா். மேலாளா் ராஜேஷ்குமாா் நன்றி கூறினாா்.

புதிதாக தொடங்கப்பட்டுள்ள இம்மையத்தில் முடி மாற்று அறுவை சிகிச்சை, உடற்கட்டு அழகுபடுத்துதல், கொழுப்பு நீக்குதல், கரும்புள்ளி அகற்றுதல், பிரசவ தழும்புகள் அகற்றுதல், தசை சுருக்கங்கள், உதடு, தாடை சீரமைத்தல், முகப் பருக்களுக்கான சிகிச்சை மற்றும் அழகு சம்பந்தமான பல்வேறு சிகிச்சைகள் அளிக்கப்படுகின்றன.