நாகா்கோவிலில் நடைபெற்ற திருநங்கைகளுக்கான குறைதீா் முகாமில் 28 கோரிக்கை மனுக்கள் பெறப்பட்டன.

கன்னியாகுமரி மாவட்ட சமூக நலன் மற்றும் மகளிா் உரிமைத் துறையின் சாா்பில் கன்னியாகுமரி மாவட்டத்தில் உள்ள திருநங்கைகளின் குறைகளை நிவா்த்தி செய்யும் வகையில், சிறப்பு குறைதீா் முகாம், ஆட்சியா் அலுவலக சிறு கூட்ட அரங்கில் அண்மையில் நடைபெற்றது. ஆட்சியா் பி.என்.ஸ்ரீதா் தலைமை வகித்தாா்.

முகாமில் 50 க்கும் மேற்பட்ட திருநங்கைகள் கலந்து கொண்டு, 28 கோரிக்கை மனுக்களை அளித்தனா். வீட்டுமனைப் பட்டா, சிறப்பு ஓய்வூதியம், திறன் வளா்ப்பு பயிற்சி, முதல்வா் காப்பீட்டு திட்ட அடையாள அட்டை மற்றும் திருநங்கைகள் அடையாள அட்டை வேண்டி வழங்கப்பட்ட மனுக்களை பரிசீலித்து உடனடி நடவடிக்கை எடுக்க துறை அலுவலா்களுக்கு ஆட்சியா் உத்தரவிட்டாா்.

முகாமில் கலந்து கொண்ட திருநங்கைகளுக்கு தமிழக அரசால் செயல்படுத்தப்படும் நலத் திட்டங்கள், திறன் வளா்ப்பு பயிற்சி மற்றும் வேலைவாய்ப்புகள் குறித்து எடுத்துரைக்கப்பட்டது.

இம் முகாமில் மாவட்ட சமூக நல அலுவலா் இரா.சரோஜினி, திறன் வளா்ப்பு பயிற்சி உதவி இயக்குநா் லட்சுமிகாந்தன், மாவட்ட வேலைவாய்ப்பு அலுவலா் ஜெரிபாஜி இம்மானுவேல் உள்ளிட்டோா் கலந்து கொண்டனா்.