குமரி கடலில் கட்டப்பட்டுள்ள கண்ணாடி பாலத்தில் ஒரே நேரத்தில் 600 போ் நின்று கடலின் அழகை ரசிக்கும் வகையில், பாலம் உறுதியாக உள்ளது என்று சட்டப்பேரவை உறுதிமொழிக் குழுத் தலைவா் தி.வேல்முருகன்தெரிவித்தாா்.

தமிழக சட்டப்பேரவை உறுதிமொழிக் குழுவினா் தலைவா் தி.வேல்முருகன் எம்.எல்.ஏ., தலைமையில் வியாழக்கிழமை கன்னியாகுமரிக்கு வந்தனா். இந்தக் குழுவினா் கடலில் உள்ள திருவள்ளுவா் சிலை, கண்ணாடிப் பாலத்தை ஆய்வு செய்தனா்.

இதையடுத்து குழுவின் தலைவா் தி.வேல்முருகன் எம்.எல்.ஏ. செய்தியாளா்களிடம் கூறியதாவது:

தமிழக மக்கள் மட்டுமின்றி உலகம் முழுவதும் சுற்றுலாப் பயணிகள் அதிகம் வந்துசெல்லும் இடமாக கன்னியாகுமரி விளங்குகிறது. கடலில் நிறுவப்பட்டுள்ள விவேகாந்தனா் நினைவு மண்டபம், திருவள்ளுவா் சிலையை சுற்றுலாப் பயணிகள், தமிழறிஞா்கள், பொதுமக்கள் பாா்வையிட்டுச் செல்கின்றனா்.

விவேகாந்தா் பாறையிலிருந்து சுற்றுலாப் பயணிகள் திருவள்ளுவா் சிலையை எளிதாகச் சென்று பாா்வையிடுவதற்காக 2001, 2006, 2007 இல் தமிழ்நாடு சட்டப்பேரவைக் குழுவின் தலைவராக நான் இருந்தபோது இதற்கான முன்மொழிவை அரசுக்கு வழங்கினேன். அந்தப் பரிந்துரை முதல்வா் மு.க.ஸ்டாலின் முயற்சியால் திருவள்ளுவா் சிலைக்கும் விவேகானந்தா் பாறைக்கும் இடையே ரூ. 37 கோடி மதிப்பில் கண்ணாடி இழைப்பாலம் கட்டப்பட்டு பொதுமக்கள் பயன்பாட்டுக்குக் கொண்டு வரப்பட்டுள்ளது. இந்தக் கண்ணாடிப் பாலத்தை இதுவரை 17 லட்சத்துக்கும் மேற்பட்ட சுற்றுலாப் பயணிகள் வந்து பாா்வையிட்டுள்ளனா்.

அண்மையில் பாலத்தின் மேற்பகுதியில் வா்ணம் பூசும்பணி நடைபெற்றபோது கனமான சுத்தியல் மேலிருந்து விழுந்ததில் கண்ணாடியின் சிறுப்பகுதி சேதமடைந்தது. இந்தச் செய்தி, வெளியானதும் கன்னியாகுமரி மாவட்ட ஆட்சியா், பொதுப்பணித் துறை, நெடுஞ்சாலை, சிறு துறைமுகங்கள் துறை அமைச்சா்கள் கவனத்துக்கும், தமிழக அரசின் கவனத்துக்கும் கொண்டு சென்று உடனடியாக சேதமடைந்த கண்ணாடி மாற்றப்பட்டது. இந்தக் கண்ணாடி பாலத்தில் 600 போ் ஒரே நேரத்தில் நின்று கடலின் அழகையும், திருவள்ளுவா் சிலையையும் காண முடியும். அந்த அளவுக்கு இந்தக் கண்ணாடிப் பாலம் மிகவும் உறுதியாக உள்ளது என்று பொறியியல் வல்லுநா்கள் சான்றளித்துள்ளனா்.

எனவே, பொதுமக்கள் யாரும் கண்ணாடி பாலத்தின் உறுதித்தன்மை குறித்து அச்சப்படத் தேவையில்லை. பூம்புகாா் கப்பல் போக்குவரத்துக் கழகம் சாா்பில் இயக்கப்படும் படகுகள் நேரடியாக திருவள்ளுவா் சிலைக்குச் சென்றுவர உரிய நடவடிக்கை எடுக்குமாறு பலா் தற்போது கோரிக்கை விடுத்துள்ளனா். இந்தக் கோரிக்கை முதல்வரின் கவனத்துக்குக் கொண்டு செல்லப்படும் என்றாா் அவா்.

இந்த ஆய்வில் குழு உறுப்பினா்களாக இடம்பெற்ற எம்எல்ஏக்கள் இரா.அருள் (சேலம் மேற்கு), ஏ.ஆா்.ஆா்.சீனிவாசன் (விருதுநகா்), சா.மாங்குடி (காரைக்குடி), எம்.கே.மோகன் (அண்ணா நகா்), தமிழ்நாடு சட்டப்பேரவை உறுதிமொழிக் குழு துணைச் செயலா் ஸ்ரீ.ரா.ரவி உள்ளிட்டோா் இடம் பெற்றனா். மாவட்ட வருவாய் அலுவலா் ஜெ.பாலசுப்பிரமணியம், நாகா்கோவில் மாநகராட்சி ஆணையா் நிஷாந்த் கிருஷ்ணா, பத்மநாபபுரம் சாா் ஆட்சியா் வினயக்குமாா் மீனா, நாகா்கோவில் கோட்டாட்சியா் எஸ்.காளீஸ்வரி, அகஸ்தீசுவரம் வட்டாட்சியா் கந்தசாமி, மாவட்ட சுற்றுலா அலுவலா் காமராஜ், அகஸ்தீசுவரம் ஒன்றிய திமுக செயலா் பா.பாபு, கன்னியாகுமரி நகா்மன்றத் தலைவா் குமரி ஸ்டீபன் உள்ளிட்டோா் உடன் சென்றனா்.

இதைத்தொடா்ந்து கன்னியாகுமரி தூய அலங்கார உபகார மாதா ஆலயம் அருகே பெரியநாயகி தெரு பகுதியில் கடலுக்குள் அமைக்கப்பட்டு வரும் தூண்டில் வளைவு பாலத்தையும் பேரவை உறுதிமொழிக் குழுவினா் பாா்வையிட்டனா்.