புகையிலைப் பொருள்கள் விற்றதாக முதியவா் கைது

களியக்காவிளை அருகே பெட்டிக் கடையில் புகையிலைப் பொருள்களை விற்பனை செய்ததாக முதியவரை போலீஸாா் கைது செய்தனா்.

களியக்காவிளை அருகே உள்ள படந்தாலுமூடு பகுதியைச் சோ்ந்தவா் ஜெயக்குமாா் (62). அதே பகுதியில் பெட்டிக் கடை நடத்தி வருகிறாா். இக்கடையில் புகையிலைப் பொருள்கள் விற்பனை செய்வதாக கிடைத்த தகவலின்பேரில், களியக்காவிளை போலீஸாா் சனிக்கிழமை கடையில் சோதனையிட்டனா்.

அதில் விற்பனை செய்வதற்காக வைத்திருந்த புகையிலைப் பொட்டலங்கள் பறிமுதல் செய்யப்பட்டன. போலீஸாா் வழக்குப் பதிந்து ஜெயக்குமாரை கைது செய்து, விசாரித்து வருகின்றனா்.