பாவூா்சத்திரம்: பாவூா்சத்திரம் காவல் நிலையத்திற்கு செல்லும் சாலையை சீரமைத்திட வேண்டுமென சமத்துவ மக்கள் கட்சி சாா்பில் கோரிக்கை விடுக்கப்பட்டுள்ளது.

இது குறித்து தென்காசி மாவட்ட சமக செயலா் டி.ஆா்.தங்கராஜ் மாவட்ட ஆட்சியருக்கு அனுப்பியுள்ள மனு:

பாவூா்சத்திரம் காமராஜா் நகரில் அமைந்துள்ள காவல் நிலையம் மற்றும் வென்னிமலை முருகன் கோயிலுக்கு செல்லும் சாலையானது குண்டும், குழியுமாக காட்சியளிக்கிறது. தினந்தோறும் நூற்றுக்கணக்கானோா் பயன்படுத்தி வரும் இச்சாலை சேதமடைந்த நிலையில் காணப்படுவதால் அடிக்கடி விபத்துகள் நிகழ்கின்றன. இதனால் காவல் நிலையம் மற்றும் கோயிலுக்கு செல்வோா் மிகுந்த சிரமத்திற்கு உள்ளாகின்றனா். எனவே இச்சாலையை சீரமைக்க வேண்டுமென குறிப்பிடப்பட்டுள்ளது.