மருத்துவ மாணவிகளுக்குபரிசு வழங்கிய எம்எல்ஏ

கடையநல்லூா் பேரவை தொகுதி அரசுப் பள்ளிகளில் படித்து மருத்துவப் படிப்பிற்கு தோ்வான மாணவிகளுக்கு முகமது அபூபக்கா் எம்எல்ஏ பரிசு வழங்கி பாராட்டினாா்.

செங்கோட்டை அரசு பெண்கள் மேல்நிலைப் பள்ளியில் படித்த கோமதி, பவ்ஜுல் ஹிதா, அஸ்ரா பேகம், கடையநல்லூா் அரசு பெண்கள் மேல்நிலைப் பள்ளியில் பயின்ற பிருந்தா, பிரித்தா ஆகியோருக்கு பரிசு வழங்கும் நிகழ்ச்சி நடைபெற்றது. முகமதுஅபூபக்கா் எம்எல்ஏ பங்கேற்று, 5 மாணவிகளுக்கும் பரிசு வழங்கி பாராட்டியதுடன், அவா்களுக்கு தேவையான உதவிகளை செய்துதருவதாகவும் கூறினாா். இதில், டாக்டா் அப்துல்அஜீஸ், முஸ்லிம் லீக் மாவட்டத் தலைவா் செய்யது சுலைமான் உள்ளிட்டோா் பங்கேற்றனா்.