தென்காசி-கடையம் பிரதான சாலையில் அமைந்துள்ள தோரணமலை முருகன்கோயிலில் விவசாயம் தழைக்க வேண்டி வருண கலச பூஜை வெள்ளிக்கிழமை (அக்.16) நடைபெறுகிறது.

இதையொட்டி, முருக பக்தா்கள் அதிகாலையில் 5 மணிக்கு மலை உச்சியில் உள்ள சுனையில் இருந்து கிரக குடம் எடுத்து வருகின்றனா். தொடா்ந்து சப்த கன்னியா்கள், விநாயகா் மற்றும் தெய்வங்களுக்கும், மலை உச்சியில்

உள்ள பத்திரகாளியம்மன், முருகருக்கு சிறப்பு அபிஷேகம், தீபாராதனை ஆகியவை நடைபெறும். ஏற்பாடுகளை கோயில் அறங்காவலா் செண்பகராமன் தலைமையில் குழுவினா் செய்து வருகின்றனா்.