தென்காசி: தென்காசி மாவட்டத்தில் பணியின்போது உயிரிழந்த காவலா்களின் குடும்பத்தினருக்கு தமிழக முதல்வா் பொது நிவாரண நிதியிலிருந்து நிதி வழங்கப்பட்டது.

தென்காசி மாவட்டத்தில் காவல் பணியின்போது மரணமடைந்த காவல் ஆளிநா்கள் மற்றும் அதிகாரிகளின் குடும்பத்துக்கு முதலமைச்சரின் பொது நிவாரண நிதியிலிருந்து திங்கள்கிழமை நிதி வழங்கப்பட்டது.

செங்கோட்டை காவல் நிலையத்தில் பணிபுரிந்த சிறப்பு சாா்பு ஆய்வாளா் ஸ்ரீராம், சோ்ந்தமரம் காவல் நிலையத்தில் பணிபுரிந்த முதல் நிலை காவலா் மாரியப்பன் மற்றும் தென்காசி நெடுஞ்சாலை ரோந்து பிரிவில் பணிபுரிந்த சிறப்பு சாா்பு ஆய்வாளா் நடராஜன் ஆகிய மூன்று நபா்களின் குடும்பத்துக்கு தலா ரூ. 3 லட்சத்துக்கான காசோலை வழங்கப்பட்டது.

தென்காசி மாவட்ட காவல்கண்காணிப்பாளா் அலுவலகத்தில் நடைபெற்ற நிகழ்ச்சியில் மாவட்ட காவல் கண்காணிப்பாளா் ஆா். கிருஷ்ணராஜ் நிவாரண நிதியை வழங்கினாா்.