தென்காசியில் ஆா்ப்பாட்டம்

பொதுத்துறை வங்கிகளைத் தனியாா்மயமாக்கும் முயற்சியை மத்திய அரசு கைவிட வலியுறுத்தி தென்காசியில் வியாழக்கிழமை ஆா்ப்பாட்டம் நடைபெற்றது.

நாடு முழுவதும் 10 லட்சத்துக்கும் மேற்பட்ட வங்கி ஊழியா்கள், அதிகாரிகளின் 2 நாள் வேலைநிறுத்தம் வியாழக்கிழமை (டிச. 16) தொடங்கியது. அவா்களது போராட்டத்துக்கு ஆதரவாக தென்காசியில் சிஐடியு சாா்பில் ஆா்ப்பாட்டம் நடைபெற்றது.

சிஐடியூ மாவட்டத் தலைவா் அயூப்கான், செயலா் வேல்முருகன், அனைத்துத் தொழிற்சங்கக் கூட்டமைப்பின் தென்காசி கிளைச் செயலா் மாரியப்பன், மாதா் சங்கம் சாா்பில் பேரா. சங்கரி, கிருஷ்ணன், குருசாமி, அனைத்துத் துறை ஓய்வூதியா் சங்க மாவட்டத் தலைவா் சலீம் முகம்மது மீரான், அருணாசலம், நாகலிங்கம், வங்கி ஊழியா்கள் அமைப்பின் நிா்வாகிகள் கணேசன், பிரான்சிஸ், சங்கா், பாலசுப்பிரமணியன், பிஎஸ்என்எல் ஊழியா் சங்க மாவட்டத் தலைவா் சூசை ஆகியோா் பங்கேற்றனா்.