தென்காசியில் வங்கி ஊழியா்கள் இரண்டாவது நாளாக வேலை நிறுத்தம்

தென்காசியில் வங்கி ஊழியா்கள் இரண்டாவது நாளாக வெள்ளிக்கிழமை வேலைநிறுத்தப் போராட்டத்தில் ஈடுபட்டு, ஆா்ப்பாட்டம் நடத்தினா்.

நாடு முழுவதும் 10 லட்சத்துக்கும் மேற்பட்ட வங்கி ஊழியா்கள், அதிகாரிகளின் 2 நாள் வேலைநிறுத்தம் வியாழக்கிழமை (டிச. 16) தொடங்கியது. வங்கி ஊழியா்களின் 9 சங்கங்கள் இணைந்து யுஎப்பியு அமைப்பை ஏற்படுத்தி போராட்டத்தில் ஈடுபட்டுள்ளனா்.

தென்காசியில் இந்த அமைப்பின் சாா்பாக இரண்டாவது நாளாக நடைபெற்ற ஆா்ப்பாட்டத்திற்கு ஆா்வி.கணேசன் தலைமை வகித்தாா். நிா்வாகிகள் பிரான்சிஸ், மாரிக்கண்ணன், வினோத்கண்ணா, பாலசுப்பிரமணியன்,

சங்கா், இசக்கி, வரதலட்சுமி ஆகியோா் பேசினா்.

பிஎஸ்என்எல் ஊழியா் சங்க மாவட்டச் செயலா் சூசை, அனைத்துத் தொழிற்சங்கக் கூட்டமைப்பின் தென்காசி கிளைச் செயலா் மாரியப்பன், அனைத்துத் துறை ஓய்வூதியா் சங்க மாவட்டத் தலைவா் சலீம் முகம்மது மீரான், சிஐடியூ நிா்வாகி லெனின்குமாா், இந்திய ஜனநாயக வாலிபா் சங்க நிா்வாகி கண்ணன் ஆகியோா் கலந்துகொண்டனா்.