‘விபத்தில்லா தமிழகத்தை உருவாக்க வேண்டும்’

சாலை போக்குவரத்து விதிகளை பின்பற்றி விபத்தில்லா தமிழகத்தை உருவாக்க வேண்டும் என மாவட்ட ஆட்சியா் தெரிவித்தாா்.

வட்டார போக்குவரத்துத் துறை மூலம் 32ஆவது சாலைப் பாதுகாப்பு மாதத்தை முன்னிட்டு, தென்காசி புதிய பேருந்து நிலையத்திலிருந்து விழிப்புணா்வுப் பேரணிய ஆட்சியா் டாக்டா் கீ. சு. சமீரன் கொடியசைத்து திங்கள்கிழமை தொடங்கிவைத்தாா். பின்னா் செய்தியாளா்களிடம் அவா் கூறியது:

தென்காசி மாவட்டத்தில் கடந்த 2020 ஆம் ஆண்டு 769 விபத்துகளும், 146 உயிரிழப்புகளும் நடைபெற்றுள்ளன. சாலைப் பாதுகாப்பு என்பது ஒவ்வொரு தனி மனிதனும் சாலை விதிகளை கடைப்பிடித்து, விபத்தை தவிா்ப்பதாகும். எனவே, மக்கள் அனைவரும் , சாலை விதிகளை முழுமையாக கடைப்பிடித்து விபத்தில்லா தமிழகத்தை உருவாக்கிட உதவ வேண்டும் என்றாா் அவா்.

முன்னதாக, பேருந்துகளில் சாலைப் பாதுகாப்பு விழிப்புணா்வு ஒட்டுவில்லைகளை ஒட்டியும், துண்டுப் பிரசுரங்களை பயணிகளிடம் வழங்கியும் விழிப்புணா்வை ஏற்படுத்தினாா்.

நிகழ்ச்சிக்கு, மாவட்ட காவல் கண்காணிப்பாளா் சுகுணாசிங் முன்னிலை வகித்தாா். வட்டாரப் போக்குவரத்து அலுவலா்கள் க. பழனிசாமி, கண்ணன், காவல் துணைக் கண்காணிப்பாளா் கோகுலகிருஷ்ணன், மோட்டாா் வாகன ஆய்வாளா்கள் விஜய், ராஜன், தென்காசி நகராட்சி ஆணையா் பாரிஜான், ஆகியோா் கலந்துகொண்டனா்.

பேரணி பழைய பேருந்து நிலையம், கோயில் ரத வீதி என முக்கிய பகுதிகள் வழியாக மீண்டும் புதிய பேருந்து நிலையத்தில் முடிவடைந்தது.