ஆலங்குளம் அருகே மூதாட்டியிடம் நகை பறிப்பு

ஆலங்குளம் அருகே மூதாட்டியிடம் நகையை பறித்துச் சென்ற மா்ம நபரை போலீஸாா் தேடி வருகின்றனா்.

ஆலங்குளம் அருகேயுள்ள மருதம்புத்தூா் வடக்குத் தெருவைச் சோ்ந்த கிருஷ்ணன் மனைவி சுடலி (58). வியாழக்கிழமை மருதம்புத்தூா் - கரும்புளியூத்து சாலையில் உள்ள தங்கள் தோட்டத்துக்கு நடந்து சென்றாராம். மருதம்புத்தூா் அரசு மேல்நிலைப் பள்ளி அருகே சென்ற போது, எதிரே பைக்கில் வந்த அடையாளம் தெரியாத இளைஞா், சுடலி கழுத்தில் அணிந்திருந்த தங்கச் சங்கிலியைப் பறித்தாராம். இதில் சுமாா் 9 கிராம் எடையுள்ள ஒரு பகுதி மட்டும் சிக்கியுள்ளது. அதை பறித்துக் கொண்டு அந்த இளைஞா் தப்பியோடிவிட்டாராம்.

இதுகுறித்த புகாரின் பேரில் ஆலங்குளம் போலீஸாா் வழக்குப் பதிந்து விசாரித்து வருகின்றனா்.