மக்களுக்கு முழுமையாக அரசு திட்டப் பயன்கள்: புதிய ஆட்சியா் உறுதி

தென்காசி மாவட்டத்தில் அரசின் திட்டங்கள் மக்களுக்கு முழுமையாக கிடைக்க நடவடிக்கை எடுக்கப்படும் என்றாா் புதிய ஆட்சியா் ச.கோபாலசுந்தரராஜ்.

தென்காசி ஆட்சியரகத்தில் வியாழக்கிழமை ஆட்சியராக பொறுப்பேற்ற அவா், பின்னா் செய்தியாளா்களிடம் கூறியது: இம்மாவட்டத்தில் கரோனா தடுப்பூசி செலுத்திக் கொள்வோரின் விகிதம் குறைவாக உள்ளது. அதை சரிபடுத்த நடவடிக்கை மேற்கொள்ளப்படும். மேலும், அனைத்து துறைகளுக்கும் முன்னுரிமை அளித்து அரசின் திட்டங்கள் நிறைவேற்றப்படுவதுடன், அவை முழுமையாக மக்களைச் சென்றடையவும், குறைகளைத் தீா்க்கவும் நடவடிக்கை எடுக்கப்படும் என்றாா் அவா்.

இந்திய அரசின் குடிமைப்பணிக்கான தோ்வில் தோ்ச்சி பெற்று 2012இல் பணியில் சோ்ந்த ஆட்சியா் கோபால சுந்தரராஜ், தூத்துக்குடி மாவட்ட சாா் ஆட்சியா், சென்னை மாநகராட்சியில் வட்டார துணை ஆணையாளா், தமிழ்நாடு குடிசை மாற்று வாரிய இணை மேலாண்மை மற்றும் திட்ட இயக்குநராகப் பணியாற்றியுள்ளாா்.

ராமநதி அணையில் ஆய்வு: இந்நிலையில், வருவாய்த்துறை, வட்டார வளா்ச்சித்துறை, சுகாதாரத் துறை அதிகாரிகளுடன் ஆலோசனையில் ஈடுபட்ட ஆட்சியா், பின்னா் ராமநதி அணையைப் பாா்வையிட்டு ஆய்வு செய்தாா். மேலும், அதன் பாசன கால்வாய்களான வடகால், தென்கால் மற்றும் பாப்பான் கால்வாய்களில் ஆய்வு நடத்திதுடன் கடையம் அருகேயுள்ள தனியாா் செவிலியா் கல்லூரியில் கரோனா சிறப்பு மருத்துவப் முகாமை பாா்வையிட்டாா்.

ஆய்வின் போது, கோட்டாட்சியா் ராமச்சந்திரன், கடையம் வட்டார வளா்ச்சி அலுவலா் முருகையா, சிற்றாறு வடிநிலக் கோட்ட செயற்பொறியாளா் மாரியப்பன், வட்டாட்சியா் சுப்பையன் உள்ளிட்டோா் உடனிருந்தனா்.