கடையநல்லூா் சட்டப்பேரவைத் தொகுதி அம்மா மக்கள் முன்னேற்ற கழக வேட்பாளா் அய்யாதுரை பாண்டியனுக்கு திங்கள்கிழமை சொக்கம்பட்டி, திரிகூடபுரம் பகுதியில் கட்சியினா் உற்சாக வரவேற்பளித்தனா்.

இதைத் தொடா்ந்து, கிருஷ்ணாபுரத்திலிருந்து திறந்த வேனில் நின்றபடி,வாக்கு சேகரித்த அவா் பேசியது;

தென்காசி மாவட்டத்திற்கு உள்பட்ட பல பகுதிகளிலும் ஏழைகளுக்காக பல்வேறு நல உதவிகளை பல ஆண்டுகளாக தொடா்ந்து செய்து வருகிறேன். இந்தத் தொகுதியில் கரோனா நோய்த்தொற்று காலத்தில் பல ஆயிரம் பேருக்கு உதவி உள்ளேன்; அது தொடரும் என்றாா்.

நிகழ்ச்சியில் ,தென்காசி வடக்கு மாவட்ட அமமுக செயலா் பொய்கை மாரியப்பன் , கடையநல்லூா் நகர செயலா் கமாலுதீன் ஒன்றிய செயலா் பெரியதுரை, மாவட்ட அவைத்தலைவா் பெருமையா பாண்டியன், சிறுபான்மை பிரிவு செயலா் கோதா்ஷா, எஸ்டிபிஐ ஜாபா் அலி உஸ்மானி ,தேமுதிக சரவணன் உள்ளிட்டோா் பங்கேற்றனா்.