குறிஞ்சான் குளம், ஈச்சம் பொட்டல்புதூா் கிராமத்தில் கோயில் பிரச்னை தொடா்பாக தீண்டாமை கொடுமை நிலவுவதாகவும், அதுகுறித்து மாவட்ட நிா்வாகம் உரிய நடவடிக்கை எடுக்க வேண்டும் எனவும் வலியுறுத்தி, தென்காசி ஆட்சியரிடம் தமிழ்நாடு தீண்டாமை ஒழிப்பு முன்னணி சாா்பில் மாா்க்சிஸ்ட் கம்யூனிஸ்ட் கட்சியின் மத்தியக் குழு உறுப்பினா் வாசுகி மனு அளித்தாா்.
இந்நிகழ்ச்சியில், மாா்க்சிஸ்ட் கம்யூனிஸ்ட் மாவட்டச் செயலா் முத்துப்பாண்டியன், மாவட்டச் செயற்குழு உறுப்பினா்கள் உச்சிமாகாளி, அசோக் ராஜ், குணசீலன், மாவட்ட குழு உறுப்பினா்கள் நடராஜன், மாடசாமி, தமிழ்நாடு தீண்டாமை ஒழிப்பு முன்னணியின் தென்காசி மாவட்டச் செயலா் வழக்குரைஞா் கிருஷ்ணமூா்த்தி, மாவட்டத் தலைவா் பால்ராஜ், மாவட்டப் பொறுப்பாளா்கள் செங்கோட்டை முருகேசன், சங்கா், புளியங்குடி சீனி பாண்டி ஆகியோா் கலந்துகொண்டனா்.