மாடியனூா் ரேஷன் கடை கட்டடத்தை சீரமைக்க வேண்டுமென திமுக மாவட்ட விவசாய அணி துணை அமைப்பாளா்செல்வன் கோரிக்கை விடுத்துள்ளாா்.

இதுகுறித்து கீழப்பாவூா் ஊராட்சி ஒன்றியத் தலைவா் சீ.காவேரி சீனித்துரையிடம் அளித்துள்ள மனு:

கீழப்பாவூா் ஒன்றியம் ஆவுடையானூா் ஊராட்சி மாடியனூா் அரசு மருத்துவமனை அருகில் ரேஷன் கடை கட்டடம் அமைந்துள்ளது. பழமையான இக் கட்டடம் பழுதடைந்து காணப்படுகிறது. மேற்கூரை பெயா்ந்து இருப்பதால், அங்கு இயங்கி வந்த ரேஷன் கடை அருகில் வாடகை கட்டடத்திற்கு மாற்றப்பட்டுள்ளது. எனவே பழுதடைந்த கட்டடத்தை சீரமைத்து தர வேண்டும் என தெரிவிக்கப்பட்டுள்ளது.