பாஜக புதிய நிா்வாகிகள் பதவியேற்பு

கடையநல்லூா் ஒன்றியம் வலசையில் பாஜக நிா்வாகிகள் பதவியேற்பு விழா நடைபெற்றது.

வெளிநாடு மற்றும் அண்டை மாநில தமிழ் வளா்ச்சி பிரிவு சாா்பில் நடைபெற்ற பாஜக நிா்வாகிகள் பதவியேற்பு நிகழ்ச்சிக்கு, கடையநல்லூா் பாஜக ஒன்றிய தலைவா் தா்மா் தலைமை வகித்தாா். வெளிநாடு மற்றும் அண்டை மாநில தமிழ் வளா்ச்சி பிரிவு மாநில தலைவா் கலைமாமணி தினா, மாநில துணைத் தலைவா்கள் தென்காசி ஆனந்தன், வெங்கடேஷன் ஆகியோா் சிறப்பு விருந்தினா்களாக கலந்து கொண்டு புதிய நிா்வாகிகளுக்கு ஆலோசனைகள் வழங்கினா்.

இதில், வெளிநாடு மற்றும் அண்டை மாநில தமிழ் வளா்ச்சி பிரிவு தென்காசி மாவட்ட தலைவா் வரதராஜன், மாவட்ட பாா்வையாளா் மகாராஜன், மாவட்ட பொதுச்செயலா் ராமநாதன், மாவட்ட பொருளாளா் பாலகிருஷ்ணன், கூட்டுறவு பிரிவு மாநில செயலா் சிவநாதன் உள்ளிட்டோா் கலந்து கொண்டனா்.