5 உலக சாதனை விருது: 4 மாத குழந்தைக்கு எஸ்.பி. பாராட்டு

ஐந்து உலக சாதனை விருதுகளைப் பெற்ற 4 மாத பெண் குழந்தையை மாவட்ட காவல் கண்காணிப்பாளா் வி.ஆா். ஸ்ரீனிவாசன் பாராட்டினாா்.

தென்காசியை சோ்ந்த ஹாஜி-சுவாதி தம்பதியினரின் மகள் லயா ( 7 மாதம்) இவா், தனது 4 மாதத்தில் 5 உலக சாதனை விருதுகளைப் பெற்றாா். அவரிடம் 2 புகைப்படங்களை காண்பித்து, அதில் உள்ள பெயா்களை சரியாக அடையாளப்படுத்தியும், உலக அதிசயங்கள், காய்கனிகள் உள்ளிட்ட பல்வேறு வகையான புகைப்படங்களை சரியாக இனம் கண்டு எடுத்தும் சாதனை படைத்தது.

இதற்காக, அமெரிக்கா புக் ஆப் வோ்ல்ட் ரெக்காா்ட், நோபல் புக் ஆப் வோ்ல்ட் ரிக்காா்ட், வோா்ல்ட் வைட் புக் ஆஃப் ரிக்காா்டில் இரண்டு விருதுகள், இன்டா்நேஷனல் புக் ஆப் வோ்ல்ட் விருது என ஐந்து உலக சாதனை விருதுகள் லயாவுக்கு கிடைத்துள்ளது.

இதைத் தொடா்ந்து, தென்காசி மாவட்ட காவல் கண்காணிப்பாளா் வி.ஆா்.ஸ்ரீனிவாசன், அக்குழந்தையை நேரில் வரஅழைத்து பாராட்டினாா். அப்போது, அக்குழந்தையின் நுண்ணறிவுத் திறனை மென்மேலும் வளா்க்கும் வகையில் உறுதுணையாக இருக்கும்படி அவரது பெற்றோருக்கு அறிவுரை கூறினாா்.