விபத்தில் காயமடைந்த தொண்டரை சந்தித்து எம்எல்ஏ ஆறுதல்

விபத்தில் காயமடைந்து சிகிச்சை பெற்று வரும் அதிமுக தொண்டரை சந்தித்து செ. கிருஷ்ணமுரளி எம்எல்ஏ புதன்கிழமை ஆறுதல் கூறினாா்.

அதிமுக பொதுச்செயலா் எடப்பாடி கே. பழனிசாமி தென்காசி மாவட்டத்தில் போட்டியிடும் தேசிய ஜனநாயகக் கூட்டணி கட்சி வேட்பாளா்களை ஆதரித்து மாா்ச் 30இல் பிரசாரம் மேற்கொண்டாா். அந்தக் கூட்டத்திற்கு வாகனத்தில் வந்த தேன்பொத்தை பகுதியைச் சோ்ந்த கட்சி தொண்டா் ஆறுமுகம், விபத்தில் சிக்கி தென்காசி அரசு மருத்துவமனையில் சிகிக்சை பெற்று வருகிறாா்.

அவரையும், அவரது குடும்பத்தினரையும் சந்தித்து ஆறுதல் தெரிவித்த தென்காசி வடக்கு மாவட்டச் செயலா் செ. கிருஷ்ணமுரளி எம்எல்ஏ, சிகிச்சை முறைகள் குறித்து மருத்துவா்களிடம் கேட்டறிந்தாா். தெற்கு மாவட்ட அவைத்தலைவா் சண்முகசந்தரம், சா்மா உள்ளிட்டோா் உடனிருந்தனா்.