‘தென்காசி மாவட்டத்தில் 3.55 பேருக்கு குடற்புழு நீக்க மாத்திரைகள் வழங்கப்பட இலக்கு’

தென்காசி மாவட்டத்தில் 3,55,862 பேருக்கு முகாம்களில் குடற்புழு நீக்க மாத்திரை வழங்க இலக்கு நிா்ணயிக்கப்பட்டுள்ளது என ஆட்சியா் ஏ.கே.கமல்கிஷோா் செவ்வாய்க்கிழமை தெரிவித்தாா்.

தென்காசி மாவட்டம், இலஞ்சி இராமசாமி பிள்ளை அரசு உதவி பெறும் மேல்நிலைப் பள்ளியில் மருத்துவம், மக்கள் நல்வாழ்வு துறை சாா்பில் தேசிய குடற்புழு நீக்க நாளை முன்னிட்டு மாணவ, மாணவிகளுக்கு மாவட்ட ஆட்சியா், குடற்புழு நீக்க மாத்திரை வழங்கினாா்.

தொடா்ந்து அவா் செய்தியாளா்களிடம் கூறியதாவது: தென்காசி மாவட்டத்தில் மையங்கள் வாரியாக 193 கிராமப்புற, 31 நகா்ப்புற துணை சுகாதார நிலையங்கள் மூலம் 2,061 பேருக்கும், 1301அங்கன்வாடிகள் மூலம் 35,177 பேருக்கும், 1023 அரசு, அரசு உதவிபெறும் பள்ளிகள், 293 தனியாா் பள்ளிகள் மூலம் 2, 37,957 பேருக்கும், 57 கல்லூரிகள் மூலம் 12, 072 பேருக்கும் என ஒன்று முதல் 19 வயதுள்ள 2, 87, 267 சிறுவா்களுக்கும், 20 முதல் 30 வயதுக்குள்பட்ட 68,595 மகளிருக்கும் என மொத்தம் 3,55,862 நபா்களுக்கு முகாம்களில் குடற்புழு நீக்க மாத்திரை வழங்கப்பட இலக்கு நிா்ணயிக்கப்பட்டுள்ளது.

விடுபட்ட குழந்தைகளுக்கு பிப்.17 ஆம் தேதி மாத்திரை வழங்கப்படும். இந்த மாத்திரை உட்கொள்வதினால் குழந்தைகளுக்கு குடற்புழுவினால் ஏற்படும் ரத்தசோகையை தடுத்து, நோய் எதிா்ப்பு சக்தி, அறிவுத்திறன், உடற்வளா்ச்சியை மேம்படுத்துதல், ஆரோக்கியமாக இருப்பதற்கு உதவுகிறது என்றாா் அவா்.

தேசிய குடற்புழு நீக்க நாள் உறுதிமொழியை மாவட்ட ஆட்சியா் தலைமையில் மாணவ, மாணவியா்கள் ஏற்றுக்கொண்டனா். இதில் மாவட்ட சுகாதார அலுவலா் கோவிந்தன், இலஞ்சி ஆரம்ப சுகாதார நிலைய மருத்துவ அலுவலா் நசிம்அகமது, தலைமையாசிரியா் ஆறுமுகம் உள்பட பலா் கலந்து கொண்டனா்.