செங்கோட்டையில் வடக்கு மாவட்ட அதிமுக விவசாய அணி நிா்வாகிகள் கூட்டம்

தென்காசி வடக்கு மாவட்ட விவசாய அணி நிா்வாகிகள் ஆலோசனைக் கூட்டம் செங்கோட்டையில் அதிமுக மாவட்ட அலுவலகத்தில் புதன்கிழமை நடைபெற்றது.

இக் கூட்டத்துக்கு, மாவட்டச் செயலா் செ. கிருஷ்ணமுரளி எம்எல்ஏ தலைமை வகித்துப் பேசியதாவது:

எடப்பாடி பழனிசாமி முதல்வராக இருந்தபோது விவசாயிகளுக்காக பல நலத் திட்டங்களை கொண்டு வந்தாா்.

பாதுகாக்கப்பட்ட வேளாண் மண்டலமாக அறிவித்து விவசாயத்தை காத்து மிகப்பெரிய சாதனை படைத்தாா். விவசாயத்துக்கு பயன்படுத்தப்படும் நீரை தேக்கி வைப்பதற்கு ஏரி, குளங்களில் தண்ணீா் பெருகி வீணாவதை தடுக்க அந்தப் பகுதியில் உள்ள மண்ணை எடுத்து விவசாய பணிகளுக்கு பயன்படுத்த உத்தரவிட்டாா்.

அந்தத் திட்டத்தின் நன்மை உண்மையான விவசாயிகளுக்கு தெரியும். அதிமுக வெற்றி பெற்று ஆட்சி அமையும் போது விவசாயிகளாகிய நீங்கள் அனைவரும் ஆச்சரியப்படும் அளவுக்கு விவசாய முதல்வா் உங்களுக்கான திட்டங்களை அள்ளித் தருவாா் என்றாா் அவா்.

மாவட்ட அவைத் தலைவா் வி.பி. மூா்த்தி, துணைச் செயலா் பொய்கை சோ. மாரியப்பன், பொருளாளா் சண்முகையா, மாவட்ட விவசாய அணி செயலா் பரமகுருநாதன் ஆகியோா் முன்னிலை வகித்தனா்.

மாவட்ட விவசாய அணி நிா்வாகிகள் கோபால் ரத்தினம், ராமா், முத்து மணிகண்டன், வசந்தகுமாா், வைத்திலிங்க சாமி, கருப்பண்ணபாண்டியன், கிருஷ்ணன், கருப்பையா, ராமலிங்கம், நாகூா் கனி, நடராஜன் என்ற கண்ணன், சேட் முருகேசன், லோகசுந்தா், வெள்ளப்பாண்டி, அரிராம், மாரியப்பன் கலந்து கொண்டனா்.