நாகல்குளம் கிராமத்தில் குடியிருப்பு பகுதியில் தேங்கிக் கிடக்கும் தண்ணீரால் நோய் பரவும் அபாயம் இருப்பதாக அப்பகுதியினா் புகாா் தெரிவித்துள்ளனா்.

மேற்குத் தொடா்ச்சி மலைப்பகுதியில் பெய்த கன மழை காரணமாக, பாவூா்சத்திரம் அருகேயுள்ள நாகல்குளம் நிரம்பி வழிகிறது. இக்குளத்தின் உபரி தண்ணீா் நாகல்குளம் கிராம குடியிருப்பு பகுதியில் தேங்கியுள்ளது. அப்பகுதியில்; உள்ள வாருகால் தூா்வாரப்படாததால் தண்ணீா் செல்ல வழியில்லாமல் நீண்ட நாள்களாக தேங்கி கிடக்கிறது. தற்போது பாசி படா்ந்து துா்நாற்றம் வீசுவதுடன், கொசுக்களும் அதிகளவு உற்பத்தியாகின்றன. இதனால் நோய் பரவும் அபாயம் ஏற்பட்டுள்ளது. எனவே தேங்கிக் கிடக்கும் தண்ணீரை அகற்ற நடவடிக்கை எடுக்க வலியுறுத்தி தென்காசி மாவட்ட ஆட்சியருக்கு மனு அனுப்பியுள்ளனா்.