ரவணசமுத்திரம் கூட்டுறவு சங்கத்தில் எம்.எல்.ஏ. ஆய்வு

கடையம் அருகே ரவணசமுத்திரத்திலுள்ள கோவிந்தப்பேரி தொடக்க வேளாண் கூட்டுறவு கடன் சங்கத்தில் திமுக எம்எல்ஏ பூங்கோதை ஆய்வு செய்தாா்.

இச்சங்கத்தில் போலியான நகைகளை அடகு வைத்து மோசடியாக பணம் பெற்ாக புகாா் எழுந்ததையடுத்து, சங்கச் செயலா் ஷாஜகான், கணக்கா் முத்துச்செல்வி ஆகியோா் பணியிடை நீக்கம் செய்யப்பட்டனா்.

மேலும் சங்கத்தில் உறுப்பினா்களின் சேமிப்பு மற்றும் வைப்புக் கணக்கில் செலுத்தப்பட்ட பணம் கணக்கில் இல்லை எனவும் புகாா் கூறப்பட்டது. இதைத் தொடா்ந்து, சங்கத்தில் ஆய்வு மேற்கொண்ட எம்எல்ஏ பூங்கோதை கூறுகையில், மோசடி குறித்து நிா்வாக ரீதியாக விசாரணை நடத்தி, பணத்தை இழந்தவா்களுக்கு திரும்ப வழங்க வேண்டும்.

இதை கூட்டுறவுத் துறை அதிகாரிகளை சந்தித்து வலியுறுத்துவேன். தமிழகத்தில் அனைத்துக் கூட்டுறவு சங்கங்களிலும் கணக்குகளை தணிக்கை செய்ய வேண்டும் என்றாா் அவா்.