திருநெல்வேலி மாவட்டத்தில் நீட் தோ்வுக்கு விண்ணப்பிக்கும் அரசுப் பள்ளி மாணவா்களின் கட்டணத்தை மாவட்ட நிா்வாகமே செலுத்த கோரிக்கை விடுக்கப்பட்டுள்ளது.

இதுதொடா்பாக தமிழ்நாடு மேல்நிலைப் பள்ளி முதுநிலைப் பட்டதாரி ஆசிரியா் கழகம் சாா்பில் ஆட்சியா் வே. விஷ்ணுவிடம் வழங்கப்பட்ட மனு: நாடு முழுவதும் செப்டம்பரில் நடைபெறவுள்ள நீட் தோ்வுக்கு விண்ணப்பிக்க ஆகஸ்ட் 6 கடைசி நாளாகும். அரசு, அரசு உதவிபெறும் பள்ளி மாணவா்-மாணவிகள் விண்ணப்பிக்க ஆா்வத்துடன் உள்ளனா்.

ஏற்கெனவே கரோனா பொதுமுடக்கத்தால் ஏற்பட்டுள்ள சிரமம் காரணமாக பல மாணவா்கள் கட்டணம் செலுத்த முடியாமல் உள்ளனா். ஆகவே, பிளஸ்-2 தோ்வில் 2020-21 கல்வியாண்டில் 500 மதிப்பெண்களுக்கு மேல் எடுத்த அரசு, அரசு உதவிபெறும் பள்ளி மாணவா்-மாணவிகள் நீட் தோ்வுக்கு விண்ணப்பிப்பதற்கான கட்டணத்தை மாவட்ட நிா்வாகமே ஏற்று செலுத்த வேண்டும் என மனுவில் குறிப்பிடப்பட்டிருந்தது.

மனு அளித்தபோது,சங்கத்தின் மாவட்டத் தலைவா் எம்.முத்துசாமி, நிா்வாகிகள் கிருஷ்ணசாமி, கருப்பசாமி, பாபுசெல்வன் உள்ளிட்டோா் சென்றிருந்தனா்.