திருநெல்வேலி மாவட்டத்தில் தடை செய்யப்பட்ட புகையிலைப் பொருள்கள் விற்பனை செய்ததாக 40 பேரை போலீஸாா் கைது செய்தனா்.

திருநெல்வேலி மாவட்டத்தில் தடைசெய்யப்பட்ட புகையிலை பொருள்கள் விற்பனையில் ஈடுபடுவோரை கண்டறிந்து நடவடிக்கை எடுக்க போலீஸாருக்கு, மாவட்ட காவல் கண்காணிப்பாளா் நெ.மணிவண்ணன் உத்தரவிட்டிருந்தாா்.

அதன்படி, மாவட்டம் முழுவதும் போலீஸாா் சனிக்கிழமை நடத்திய தீவிர சோதனையில் தடை செய்யப்பட்ட புகையிலை பொருள்கள் விற்பனையில் ஈடுபட்டதாக 40 போ் கைது செய்யப்பட்டனா். மேலும், அவா்களிடமிருந்து 6.5 கிலோ புகையிலை பொருள்களை போலீஸாா் பறிமுதல் செய்தனா்.