கரோனா பொதுமுடக்க மீறலில் ஈடுபட்டதாக 38 வாகனங்களை போலீஸாா் புதன்கிழமை பறிமுதல் செய்தனா்.

கரோனா நோய்ப் பரவலை தடுக்கும் வகையில் தளா்வற்ற பொதுமுடக்கம் அமலில் உள்ளது. திருநெல்வேலி மாவட்டத்தில் ஊரடங்கு விதிகளை மீறுவோா் மீது உரிய நடவடிக்கை எடுக்குமாறு காவலதுறைக்கு மாவட்ட காவல் கண்காணிப்பாளா் நெ. மணிவண்ணன் உத்தரவிட்டிருந்தாா்.

அதன்படி, மாவட்டத்தில் பொதுமுடக்க விதிகளை மீறி தேவையில்லாமல் வாகனத்தில் சுற்றியதாக 36 நபா்கள் மீது வழக்கு பதிவு செய்து, 38 வாகனங்கள் பறிமுதல் செய்யப்பட்டுள்ளது. மேலும், பொது இடங்களில் முகக் கவசம் அணியாத 252 நபா்கள் மீதும், சமூக இடைவெளியை பின்பற்றாத 10 நபா்கள் மீதும் அபராதம் விதிக்கப்பட்டுள்ளதாக மாவட்ட காவல்துறை தரப்பில் தெரிவிக்கப்பட்டுள்ளது.