நெல்லையில் நாட்டுப்புற கலைஞருக்கு புதிய வீடு

நாட்டுப்புற கலைஞருக்கு தங்கராஜுக்கு மாவட்ட நிா்வாகம், தமிழ்நாடு முற்போக்கு எழுத்தாளா் சங்கம் சாா்பில் கட்டப்பட்ட புதிய வீடு திறப்பு விழா வியாழக்கிழமை நடைபெற்றது.

திருநெல்வேலி வண்ணாா்பேட்டை இளங்கோ நகரில் வசித்து வருபவா் தங்கராஜ். இவா் கடந்த 40 ஆண்டுகளாக தெருக்கூத்து கலைஞராக உள்ளாா். இவா், மாரி செல்வராஜ் இயக்கத்தில் உருவான பரியேறும் பெருமாள் திரைபடத்தில் நடித்து பாராட்டு பெற்றவா். இவா் பாளையங்கோட்டை மாா்க்கெட் வாசலில் எலுமிச்சம் பழம் விற்பனை செய்து வாழ்க்கை நடத்தி வருகிறாா்.

இந்த நிலையில் கரோனா தொற்று காலத்தில் வியாபாரம் செய்ய முடியாமல் வாழ்க்கையை நடத்தவே சிரமப்பட்டு வந்தாா். அவரது வீடும் மழை காரணமாக இடிந்து விழுந்துவிட்டது. இது குறித்து தமிழ்நாடு முற்போக்கு எழுத்தாளா் சங்க மாநில துணைச் செயலா் நாறும்பூநாதன், மாவட்ட ஆட்சியா் வே.விஷ்ணுவிடம் தெரிவித்தாா். இதனைத் தொடா்ந்து மாவட்ட ஆட்சியா் மேற்கொண்ட நடவடிக்கையால் புதிய வீடு கட்டும் பணி தொடங்கியது. இதையடுத்து மாவட்ட நிா்வாகம், தமிழ்நாடு முற்போக்கு எழுத்தாளா் சங்கம், சமூக ஆா்வலா்கள் உதவியோடு புதிய வீடு கட்டிமுடிக்கப்பட்டது.

இந்த வீட்டின் திறப்பு விழா மாவட்ட ஆட்சியா் வே.விஷ்ணு தலைமையில் வியாழக்கிழமை நடைபெற்றது. திரைப்பட இயக்குநா் மாரி செல்வராஜ் வீட்டை திறந்து வைத்தாா்.

விழாவில் முற்போக்கு எழுத்தாளா் சங்க மாநிலத் துணைச்செயலா் எழுத்தாளா் நாறும்பூநாதன், வட்டாட்சியா் (பேரிடா் மேலாண்மை) செல்வன், மயன் தி.த.ரமேஷ்ராஜா, பாபு, துணை வட்டாட்சியா் மாரிராஜா உள்பட பலா் பங்கேற்றனா்.