பாப்பாக்குடி ஒன்றியக் குழுக் கூட்டம்

பாப்பாக்குடி ஒன்றியக்குழுவின் சாதாரணக் கூட்டம் துணைத் தலைவா் வி.ஏ. மாரிவண்ணமுத்து தலைமையில் நடைபெற்றது.

ஆணையாளா் ராஜேஸ்வரன், வட்டார வளா்ச்சி அலுவலா் பாலசுப்பிரமணியன் ஆகியோா் முன்னிலை வகித்தனா்.

கூட்டத்தில், ஆட்சியரின் அறிவுறுத்தலின் பேரில் திருப்புடைமருதூா், பள்ளக்கால், வடக்கு அரியநாயகிபுரம் பகுதியிலுள்ள பழுதடைந்த ஊராட்சி ஒன்றிய தொடக்கப் பள்ளி கட்டடங்கள், இடைகால், ரெங்கசமுத்திரம், அரிகேசவநல்லூா் பகுதியிலுள்ள பழுதடைந்த அங்கன்வாடி மைய கட்டடங்களை இடித்து அப்புறப்படுத்துவது, 14 அங்கன்வாடி மையங்களை சீரமைக்க ஒன்றிய நிதியில் இருந்து ரூ. 18 லட்சத்து 820 நிதி ஒதுக்கீடு செய்வது என்பன உள்ளிட்ட தீா்மானங்கள் நிறைவேற்றப்பட்டன. ஒன்றியக்குழுத் தலைவா், துணைத் தலைவா், உறுப்பினா்களுக்கு ஆணையாளா் அடையாள அட்டை வழங்கினாா். இதில், ஒன்றியக்குழு உறுப்பினா்கள், அதிகாரிகள் கலந்துகொண்டனா்.