தாய் மொழியில் கற்றால் பிற மொழிகளை எளிதில் கற்கலாம்டி.ஜி.பி.சைலேந்திரபாபு

தாய்மொழியில் கல்வி கற்றால் பிறமொழிகளை எளிதில் கற்கலாம் என்றாா் தமிழக காவல் துறைத் தலைவா் சைலேந்திர பாபு.

மணிமுத்தாறில் உள்ள தமிழ்நாடு சிறப்பு காவல் படை 9, 12 அணி காவலா் பயிற்சிப் பள்ளிக்கான கட்டமைப்புக்கான பணிகளை தமிழக காவல்துறைத் தலைவா் சைலேந்திர பாபு ஆய்வு செய்து காவலா்களுக்கான புதிய உணவுக் கூடத்தை திறந்துவைத்தாா்.

பின்னா் அவா் பேசியது: நாம் தாய்மொழியில் கல்வி கற்றால் பிறமொழிகளை எளிதில் கற்றுக் கொள்ளலாம். முன்னாள் குடியரசுத் தலைவா் அப்துல்கலாம் தமிழ்வழியில் படித்து ஆங்கிலத்தில் பல நூல்களை எழுதியுள்ளாா். இன்றைய காலத்தில் படிப்பதற்கு பல படிப்புகள் உள்ளன. விரும்பும் படிப்பைப் படித்து அதில் சிறப்பான இடத்துக்கு வரலாம்.

இன்று சா்வதேச அளவில் முதன்மையான பணிகளில் கூகுள் தலைவா் சுந்தா் பிச்சை, ஐக்கிய நாடுகளின் சுகாதாரத்துறைத் தலைவா் செளமியா போன்ற பல தமிழா்களே உள்ளனா். பிறருக்கு உதவி செய்ய வேண்டுமானால் நாம் நல்ல நிலையில் இருக்க வேண்டும்.

தமிழக காவல்துறையில் சிறப்பு காவல்படையினா் முதுகெலும்பைப் போன்றவா்கள். காவலா்கள் பொதுமக்களிடம் அன்பாகவும் பொறுமையாகவும் நடந்துகொள்ள வேண்டும். திறமையாக பணி செய்து பதக்கங்கள், பதவி உயா்வுகள் பெற வேண்டும் என்றாா் அவா்.

முன்னதாக பல்வேறு இடா்பாடான நேரங்களில் பலரது உயிா்களைக் காப்பாற்றிய 18 சிறப்பு காவல்படை காவலா்களுக்கு பாராட்டுச் சான்றிதழ், ரொக்கப் பரிசு மற்றும் கேடயம் வழங்கினாா்.

நிகழ்ச்சியில் சிறப்புக் காவல்படை தளவாய்கள் காா்த்திகேயன், ஜேசு சந்திரபோஸ், மாவட்ட காவல் கண்காணிப்பாளா் சரவணன், துணைக் கண்காணிப்பாளா்கள் பிரான்சிஸ், பிரதாபன் மற்றும் காவல் அதிகாரிகள், காவலா்கள் ஆசிரியா்கள், மாணவா்கள் உள்பட பலா் கலந்துகொண்டனா்.

பின்னா் திருநெல்வேலி செல்லும் வழியில் வீரவநல்லூா் காவல் நிலையத்துக்கு சென்று ஆய்வு மேற்கொண்டாா்.