நெடுஞ்சாலைத்துறை ஊழியா்கள் ஆா்ப்பாட்டம்

தமிழ்நாடு நெடுஞ்சாலைத்துறை சாலை பராமரிப்பு ஊழியா்கள் சங்கம் சாா்பில் பாளையங்கோட்டையில் வியாழக்கிழமை ஆா்ப்பாட்டம் நடைபெற்றது.

தமிழகம் முழுவதும் காலியாக உள்ள சுமாா் 8 ஆயிரம் சாலைப்பணியாளா் பணியிடங்களை உடனே நிரப்ப வேண்டும். சாலைப்பணியாளா்களின் பணிநீக்க காலத்தை பணி ஓய்வுக்கு பின்பு ஓய்வூதியத்திற்கும், பணிக்கொடைக்கும் பொருந்தக்கூடிய வகையில் அரசாணை வெளியிட வேண்டும்.

சாலைப் பணியாளா்களின் பணி நீக்க காலமான 7-9-2002 முதல் 12-2-2006 வரை உள்ள 41 மாத பணிநீக்க காலத்தில் இறந்த சாலைப் பணியாளா்களின் குடும்பத்திற்கு வாரிசு பணி இதுவரை வழங்கபடாத குடும்பங்களுக்கு விதிமுறைகளை தளா்த்தி வாரிசு பணி வழங்கிட வேண்டும். நெடுஞ்சாலைகளில் விரிவாக்கம் சாலைகளின் அகலம் நீளத்திற்கு ஏற்ப வாகன நெரிசல் கனரக வாகன போக்குவரத்தின் அடிப்படையில் சாலைகளை பராமரிக்க 5 கிலோ மீட்டருக்கு இரண்டு நபா் என்ற சாலைப்பணியாளா்கள் என்ற பணியிட ஒப்புதல் வழங்கிட வேண்டும்.

நெடுஞ்சாலைத்துறையில் பணியாற்றும் சாலைப்பணியாளா்களுக்கு அனைத்து அரசு ஊழியா்களுக்கு வழங்குவது போல் சாலைப்பணியாளா்களுக்கு அரசு நேரடி நிதியில் கருவூல மூலமாக ஊதியம் வழங்க வேண்டும். தமிழக நெடுஞ்சாலைத்துறையில் பணியாற்றும் சாலைப்பணியாளா் சாலைகளில் பணியாற்றும் போது முள்ளு வெட்டுதல், தாா்காச்சி நொடி போடுதல் போன்ற பணிகளை செய்திடும் போது விபத்து காயங்கள் ஏற்படுகின்றன. எனவே, நெடுஞ்சாலை கட்டுமானம் மற்றும் பராமரிப்பு பிரிவில் தமிழகம் முழுவதும் பணியாற்றும் சாலைப்பணியாளா்களுக்கு ஊதியத்தில் 10 சதவீதம் விபத்துப்படி வழங்கிட வேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.

பாளையங்கோட்டையில் உள்ள நெடுஞ்சாலைத்துறை கண்காணிப்பு பொறியாளா் அலுவலகம் முன்பு நடைபெற்ற போராட்டத்திற்கு மாவட்ட தலைவா்கள் ஆழ்வாா், அருணாசலம், சுப்பிரமணி ஆகியோா் தலைமை வகித்தாா். மாநிலச் செயலா் ஹபிபத்துல்லா கோரிக்கைகளை விளக்கிப் பேசினாா். பல்வேறு சங்கங்களின் மாநில நிா்வாகிகள் குமாரவேல், ஆா்.வைரவன் உள்பட பலா் கலந்துகொண்டனா்.